އެމްޕީއެލް ޕޯޓް ސޭފްޓީ ރަން: އެއްވަނަ ރިޒާ އާއި ޝަމްހާ އަށް

ހެލްތު ސޭފްޓީ އަށް އާންމުންގެ ހޭލުންތެރިކަން އިތުރުކުރުމުގެ ގޮތުން، އެމްޕީއެލް އިން ބޭއްވި ޕޯޓް ސޭފްޓީ ވީކް ރަންގެ އެއްވަނަ، ދިގު ދުވުންތަކަށް ހާއްސަ ދުވުންތެރިޔާ ހުސައިން ރިޒާ (ކުޑަ ރިޒާ) ހޯދައިފި އެވެ.

މިއަދު ހެނދުނު ހުޅުމާލޭގައި 300 އަށް ވުރެ ގިނަ ބައިވެރިންނާ އެކު ބޭއްވި ދުވުމުގެ އަންހެން ކެޓަގަރީގެ އެއްވަނަ ހޯދީ އައިޝަތު ޝަމްހާ ޝަރީފެވެ.

ހުޅުމާލޭ އެމްޕީއެލް ސަރަހައްދުން ފެށި ދުވުމުގެ ދިގުމިނަކީ ފަސް ކިލޯ މީޓަރެވެ. މި ދުވުމަށް ރަޖިސްޓްރީ ވާން ހުޅުވާލުމުން ޕްރޮފެޝަނަލް ބައެއް އެހެން އެތުލީޓުން ވެސް ވާދަކޮށްފައިވެ އެވެ.

ރިޒާ ވަނީ ޑިސެމްބަރުގައި ބޭއްވި އެތުލެޓިކްސް ގްރޯން ޕްރީ އަދި ނޮވެމްބަރުގައި ބޭއްވި ގައުމީ އެތުލެޓިކްސް މުބާރާތުގެ 1،500 މީޓަރު ދުވުމުން އެއްވަނަ ހޯދައިފަ އެވެ.

ސާއިދު ސްޕޯޓްސް އެެކެޑަމީގައި ޓްރޭނިން ހަދަމުން އަންނަ ޝަމްހާ ވަނީ ގްރޯން ޕްރީގެ 800 މީޓަރުން ބްރޯންޒް މެޑަލް ހޯދައިފަ އެވެ.

އެމްޕީއެލް ޕޯޓް ސޭފްޓީ ރަންގައި ބައެއް ވަޒީރުންނާއި ސަރުކާރު ކުންފުނިތަކުގެ ބައެއް ވެރިން ވެސް ބައިވެރިވެވަޑައިގަތެވެ.