ދިރާގުން އެޗްޑިސީއާ ގުޅިގެން ހުޅުމާލޭގައި މިރޭ ޝޯއެއް

މިއަދު ފެށި 2022 ވަނަ އަހަރަށް މަރުހަބާ ކިޔަން ދިރާގުން އެޗްޑީސީއާ ގުޅިގެން ހުޅުމާލޭގައި މިރޭ ޝޯއެއް ބާއްވަން ނިންމައިފި އެވެ.

އާ އަހަރާ ގުޅުވައިގެން ބާއްވާ މި ޝޯ ފެށޭނީ މިރޭ 9:00 ގަ އެވެ. ޝޯގައި ރާއްޖޭގެ މަޝްހޫރު ފަންނާނުންގެ ހުށަހެޅުންތައް ފެންނާނެ އެވެ.

އޭގެ ތެރޭގައި ލަވަކިޔުންތެރިޔާ އީސަ އާއި ގްރެވިޓީ ބޭންޑް އަދި ބިދަބިން ބޮޑުބެރު ގްރޫޕްގެ ހުށަހެޅުންތައް ފެންނާނެ އެވެ.

މިރޭ 11:00 ހަމައަށް ކުރިއަށް ގެންދާ މި ޝޯ އޮންނާނީ ސެންޓްރަލް ޕާކްގަ އެވެ.

ރޭގައި ވެސް ސެންޓްރަލް ޕާކުގައި ޝޯއެއް ބޭއްވި އެވެ. ޔޫތް މިނިސްޓްރީން އިންތިޒާމުކުރި އެ ޝޯގައި އިންޑިޔާގެ ލަވަކިޔުންތެރިޔާ އަންކިތް ތިވާރީ ބައިވެރިވެފައި ވެ އެވެ.