ބިދޭސީން ރޯދަވީއްލުމަށް ކޮންމެ ހުކުރު ދުވަހަކު ދިރާގާއި އެމްއެމްޑަބްލިއުއެމުން އެހީވި

ރާއްޖޭގައި އުޅޭ ބިދޭސީ މަސައްކަތްތެރިންނަށް ހާއްސަކޮށްގެން ދިރާގާއި މިޝަން ފޯ މައިގްރަންޓް ވޯކާސް މޯލްޑިވްސް (އެމްއެމްޑަބްލިއުއެމް) ގުޅިގެން ރޯދަވީއްލުމަށް ހާއްސަ މީލް ޕެކް ބަހައިފި އެވެ.

ދިރާގުން ބުނީ ބިދޭސީން ރޯދަވީއްލުމަށް ބޭނުންވާ ކާނާގެ ބާވަތްތައް މި ރޯދަމަހުގެ ކޮންމެ ހުކުރު ދުވަހެއްގައި ބެހި ކަމަށެވެ.

މާލޭގައި ހަމައެކަނި ކުރިއަށް ގެންދިޔަ އެ ހަރަކާތުގައި ދިރާގުގެ މުވައްޒަފުން ވެސް ބައިވެރިވި އެވެ.

މިދިޔަ ރޯދަމަސްތަކުގައި ވެސް ދިރާގުން ވަނީ މި ހަރަކާތް ކުރިއަށް ގެންގޮސްފަ އެވެ. އެކަމަކު އޭރު އެ ކަން ކުރިއަށް ގެންދިޔައީ އެއްވެސް ބަޔަކާ ނުގުޅި ދިރާގުން އަމިއްލަ އަށެވެ. އެހެންވެ، މިއީ ރާއްޖޭގައި އުޅޭ ބިދޭސީން ރޯދަވީއްލުމަށް ބޭނުންވާ ތަކެތި އެހެން ޖަމާއަތަކާ ގުޅިގެން ދިރާގުން ބެހި ފުރަތަމަ ފަހަރެވެ.