23 ނޮވެމްބަރ 2022
ކޮވިޑުގެ މަސައްކަތްތައް ފުޅާކުރަން ހެލްތު މިނިސްޓްރީއަށް 13 ލޯންޗު ގަންނަން ގަލްފް ކްރާފްޓް ކުންފުންޏަށް 31 މިލިއަން ރުފިޔާއަށް އިއްޔެ ހަވާލުކޮށްފި އެވެ.
އާސިމާ ނިޒާރު
ކޮވިޑުގެ މަސައްކަތްތައް ފުޅާކުރަން ހެލްތު މިނިސްޓްރީއަށް 13 ލޯންޗު ގަންނަން ގަލްފް ކްރާފްޓް ކުންފުންޏަށް 31 މިލިއަން ރުފިޔާއަށް އިއްޔެ ހަވާލުކޮށްފި އެވެ.
ވޯލްޑް ބޭންކާއި އޭޝިއަން އިންފްރަސްޓްރަކްޗާ އިންވެސްޓްމަންޓް ބޭންކް (އޭއައިއައިބީ)ގެ އެހީގައި ގަންނަ ލޯންޗުގެ އެއްބަސްވުމުގައި ސޮއިކުރެއްވީ ހެލްތުގެ ސްޓޭޓް މިނިސްޓަރު އަހުމަދު އާދިލް އަދި ގަލްފް ކްރާފްޓުގެ ޖެނެރަލް މެނޭޖަރު ކޮސްޓަސް އެލިއޯޕްލަސް އެވެ.
ހެލްތު މިނިސްޓްރީއަށް ލޯންޗު ގަތުމުގެ އެއްބަސްވުމުގައި ސޮއިކުރެއްވުމަށްފަހު އެ މިނިސްޓްރީގެ އިސްވެރިންނާއި ގަލްފް ކްރާފްޓު ކުންފުނީގެ އިސްވެރިން ފޮޓޯއަކަށް ހުއްޓިލައިގެން.--- ފޮޓޯ: ހެލްތު މިނިސްޓްރީ
އެ ލޯންޗުތައް ބޭނުންކުރަން ހަމަޖައްސާފައިވަނީ ލެބޯޓްރީ ސާމްޕަލް ގެންދިއުމަށާއި އައުޓްރީޗް ޕްރޮގްރާމް ހިންގައި އަދި އިމަޖެންސީ ހާލަތުގައި ބަލި މީހުން އުފުލުމަށެވެ.
މިނިސްޓްރީން ބުނީ ލެބޯޓްރީ ނެތް ރަށްރަށާއި ބައެއް ޓެސްޓުތައް ނުހެދޭ ލެބޯޓްރީތަކުން ސާމްޕަލް އުފުލުމަށް އިތުރަށް ފަސޭހަވެގެންދާނެ ކަމަށެވެ. އޭގެ އިތުރުން، ރީޖަނަލް ހޮސްޕިޓަލް ނުވަތަ އަތޮޅު ހޮސްޕިޓަލް މެދުވެރިކޮށް ސްޕެޝަލިސްޓުންގެ ހިދުމަތާއި އެ ނޫން ވެސް ހިދުމަތްތަކާއެކު އައުޓް ރީޗް ޕްރޮގްރާމްތައް އެ އަތޮޅެއްގެ ރަށްތަކަށް ހިންގުމަށް ފަސޭހަވެގެންދާނެ ކަމަށް ބުންޏެވެ.
ގަލްފް ކްރާފްޓުން އެ ލޯންޗުތައް ފޯރުކޮށްދޭން އެއްބަސްވެފައިވަނީ އެއް އަހަރު ދުވަހުގެ ތެރޭގަ އެވެ.
"ފަރުވާއަށް ސަލާން ޖެހުން ނިމުމަކަށް ގެނެވޭނެ"
ދަރުމަވަންތަ ހޮސްޕިޓަލް ރަސްމީކޮށް ހުޅުވަން ތައްޔާރުވަނީ
"ބަލި ފަހަތުން ދުވާ ސިއްހީނިޒާމުގައި ތިބެވޭކަށް ނެތް"
"ދިވެހި ސްޕެޝަލިސްޓުންނަށް އާއްމުންގެ އިތުބާރު ބޮޑު"
ދުޅަހެޔޮ އާދަތަކަށް ހޭލުންތެރިކުރުވަން ބޮޑު އެކްސްޕޯއެއް
ދުންފަތުން ސަލާމަތް ވާން ގާނޫނު ބަދަލުކުރަން އެދިއްޖެ
ގޮންޖެހުންތައް ހުއްޓަސް ނަތީޖާއާ ދޭތެރޭ ސުވާލެއް ނެތް
"ކިއު ކުޑަވާނީ ސްޕެޝަލިޓީގެ އިތުރު ހޮސްޕިޓަލްތައް އަޅައިގެން"
ބޭހެއްގައި މައްސަލަ އުޅޭތީ ސަމާލުވާން އެދިއްޖެ
މެޑިކަލް ވޭސްޓް ނައްތާލާ ފެސިލިޓީއެއް ބާރަށުގައި
