ބްރިޖު މަތިން ކާރެއް ފުރޮޅާލައިފި

ސިނަމާލެ ބްރިޖު މަތީގައި ހިނގި އެކްސިޑެންޓެއްގައި މިއަދު ކާރެއް ފުރޮޅާލައިފި އެވެ.

މި ހާދިސާގައި އެއްވެސް މީހަކަށް އަނިޔާވި ކަމެއް އަދި ޔަގީނެއް ނުވެ އެވެ.

ފުލުހުން ބުނީ ބްރިޖު މަތިން ދުއްވާފައި ދިޔަ ކާރެއް ފުރޮޅާފައިވާ ކަމަށް މިއަދު މެންދުރުފަހު ރިޕޯޓްކޮށްފައިވާ ކަމަށެވެ. އަދި އެތަނުގައި ފުލުހުން މިހާރު ހަރަކާތްތެރިވަމުން އަންނަ ކަމަށް ވެސް ބުންޏެވެ.

އެ ހާދިސާގައި އެއްވެސް މީހަކަށް އަނިޔާވި ކަމެއް ފުލުހުން ވެސް އަދި ކަށަވަރުނުކޮށްދެ އެވެ.

"އިތުރު މައުލޫމާތު ލިބުމުން ހިއްސާކޮށްލަދޭނަން،" ފުލުހުންގެ މީޑިއާއިން ބުންޏެވެ.

ސޯޝަލް މީޑިއާގައި އާންމުވެފައިވާ ފޮޓޯތަކުން އެނގޭ ގޮތުގައި އެއީ ހުދު ކުލައިގެ ޕްރައިވެޓް ކާރެކެވެ. ކާރު ފުރޮޅާލައި ކާރުގެ ކުރިމަތި އޮތީ އެއްކޮށް ފުނޑިފަ އެވެ.