ބީއެމްއެލް އިން ޔޫއެފާ ޗެމްޕިއަންސް ލީގު ފައިނަލް ބަލަން ދެ މީހުންނަށް ފުރުސަތު

ބީއެމްއެލް އިން މާސްޓަކާޑް ކަސްޓަމަރުންނަށް ހާއްސަ ޕްރޮމޯޝަނެއް ހުޅުވާލައިފި އެވެ.

އެ ބޭންކުން ބުނީ ތުރުކީގެ އިސްތަންބޫލްގައި ގައި ބޭއްވުމަށް ހަމަޖެހިފައިވާ ޔޫއެފާ ޗެންޕިއަންސް ލީގުގެ ފައިނަލް މެޗް ބެލުމުގެ ފުރުސަތު މި ޕްރޮމޯޝަންގެ ދަށުން ހުރިހާ ހަރަދަކާ އެކު ދެ މީހަކަށް ލިބޭނެ ކަމަށެވެ.

މި ޕްރޮމޯޝަންގައި މާސްޓަކާޑު މެދުވެރިކޮށް ރާއްޖެ އާއި ރާއްޖޭން ބޭރުގައި ކުރާ ހުރިހާ މުއާމަލާތްތަކެއް ހިމެނޭނެ އެވެ. ޕްރޮމޯޝަން ކުރިއަށްދާނީ އިއްޔެ އިން އަންނަ މަހުގެ 9 ވަނަ ދުވަހަށެވެ.

މިދިޔަ އަހަރު ފެށި ޔޫއެފާ ޗެމްޕިއަންސް ލީގުގެ ފައިނަލް މެޗު އޮންނާނީ ޖޫން 10 ވަނަ ދުވަހު އެވެ.

މާސްޓަކާޑަކީ ޔޫއެފްއާ ޗެންޕިއަންސް ލީގުގެ އޮފިޝަލް ސްޕޮންސާ އެވެ. ބީއެމްއެލް އަކީ ރާއްޖޭގައި މާސްޓަކާޑުގެ ޕްރިންސިޕަލް މެންބަރެކެވެ. ބީއެމްއެލް އިން އަންނަނީ ރާއްޖޭގައި މާސްޓަކާޑު ޑެބިޓް، ކްރެޑިޓް އަދި ޕްރީޕެއިޑް ކާޑު ދޫކުރަމުންނެވެ.