އެކްސިޑެންޓެއްގައި ލޯންޗަކަށް ބޮޑެތި ގެއްލުންތަކެއް ލިބިއްޖެ

މާލެ އާއި ވިލިމާލެއާ ދެމެދު ދަތުރުކުރި ދެ ލޯންޗު އެކްސިޑެންޓުވެ، ލޯންޗަކަށް ބޮޑެތި ގެއްލުންތަކެއް މިރޭ ލިބިއްޖެ އެވެ.

ކަނޑުމަތީގެ މި ހާދިސާގައި އެއްވެސް މީހަކަށް އަނިޔާއެއް ނުވެ އެވެ.

ފުލުހުން ބުނީ މިރޭ 19:45 ހާއިރު މާލެ އާއި ވިލިމާލެއާ ދެމެދު ދަތުރުކުރި ދެ ލޯންޗު ޖެހި އެކްސިޑެންޓުވުމާ ގުޅިގެން މެރިން ޕޮލިސް އެތަނުގައި ހަރަކާތްތެރިވި ކަމަށެވެ. އިތުރު ތަފުސީލެއް ފުލުހުން އަދި ނުދެ އެވެ.

މި ހާދިސާ ހިނގަން މެދުވެރިވި ގޮތެއް އަދި ނޭނގެ އެވެ.

އާންމުވެފައިވާ ފޮޓޯތަކުން ފެންނަ ގޮތުގައި، އެތަނުން އެއް ލޯންޗުގެ ކުރީ ބައި އޮތީ ވަރަށް ބޮޑަށް ފަޅައިގެން ގޮސްފަ އެވެ. އެ ދެ ލޯންޗު ވެސް މިހާރު އޮތީ ވިލިމާލެ ބަނދަރުގަ އެވެ.