މަސްތުވާތަކެތީގެ ދެ ދައުވާއެއް މީހެއްގެ މައްޗަށް ސާބިތުވެ އައްޑޫ ފޭދޫ މެޖިސްޓްރޭޓް ކޯޓުން 30 އަހަރުގެ ޖަލު ހުކުމެއް އިއްވައިފި އެވެ.
03 ޖުލައި 2023
މަސްތުވާތަކެތީގެ ދެ ދައުވާއެއް މީހެއްގެ މައްޗަށް ސާބިތުވެ އައްޑޫ ފޭދޫ މެޖިސްޓްރޭޓް ކޯޓުން 30 އަހަރުގެ ޖަލު ހުކުމެއް އިއްވައިފި އެވެ.
ފޭދޫ ކޯޓުން މި ހުކުމް އިއްވީ އެ ރަށުގައި މަސްތުވާތަކެތީގެ ވިޔަފާރި ފުޅާ ދާއިރާއެއްގައި ކުރާ ކަމުގެ ތުހުމަތުވާ އަހުމަދު ވަރުދީގެ މައްޗަށެވެ. އޭނާގެ މައްޗަށް ސާބިތުވީ ޑައިމޯފިން ޓްރެފިކް ކުރުމުގެ ދައުވާ އާއި ކެނެބިސް ޕެޑުލްކުރުމުގެ ދައުވާ އެވެ.
ޑައިމޯފިން ޓްރެފިކް ކުރުމުގެ ކުށުގެ ދައުވާ ސާބިތުވެފައިވާތީ އޭނާގެ 25 އަހަރަށް ޖަލަށް ލުމާ އެކު، 100،000ރ. އިން ޖޫރިމަނާކޮށްފައިވެ އެވެ. ކެނެބިސްގެ ދައުވާ ސާބިތުވެފައިވާތީ އިއްވީ ފަސް އަހަރުގެ ޖަލު ހުކުމަކާ އެކު 15،000ރ. ގެ ޖޫރިމަނާގެ އަދަބެކެވެ.
ޖުމްލަ 30 އަހަރުގެ ޖަލު ހުކުމެއް އަހުމަދު ވަރުދީގެ މައްޗަށް އިއްވި މި މައްސަލައަކީ ފުލުހުންގެ ސައުތު ޑްރަގު އެންފޯސްމެންޓް ޓީމުން ތަހުގީގުކުރި މި ބާވަތުގެ ފުރަތަމަ މައްސަލަ އެވެ.
މި މައްސަލައިގައި، އަހުމަދު ވަރުދީގެ ކޮޓަރި ފާސްކުރި އިރު މަސްތުވާތަކެއްޗާއި އެ ތަކެތި ބަންދުކުރުމަށް ގެންގުޅޭ ގިނަ އަދަދެއްގެ ސާމާނު ފެނިފައިވެ އެވެ. އަދި، 29،000ރ. ވެސް ފެނިފައިވެ އެވެ. ނަމަވެސް އެ ފައިސާއަކީ އޭނާގެ މަންމަގެ ފައިސާތަކެއް ކަމަށް ޝައްކު އުފެދިފައިވާތީ އެ ފައިސާތައް ދައުލަތަށް ނެގުމަށް މި މައްސަލާގައި އަމުރެއް ނުލިބުނެވެ.
130 ކިލޯ ޑްރަގްގެ މައްސަލަ: ޝަހީބު ދޫކޮށްލައިފި
ޑްރަގް އަތުލާފައި މި ފޮނުވާލަނީ ކޮންބައެއް؟
އޮޕަރޭޝަނެއްގައި 13 ކިލޯގެ ޑްރަގްސް އަތުލައިގެންފި
ފަޅު ރަށަކުން ޑްރަގާއެކު ބަޔަކު ހައްޔަރުކޮށްފި
ކިލޯއެއްގެ މަސްތުވާތަކެއްޗާ އެކު މީހަކު ހައްޔަރުކޮށްފި
ޖޫރިމަނާހޯދުމުގެ ނިޒާމެއް ޑްރަގް ޑީލަރުންނަށް ނުހިނގާ!
ވައިގެ މަގުން ޑްރަގް ގެނައި މީހަކު ހައްޔަރުކޮށްފި
ޑްރަގާއެކު ހައްޔަރުކުރުމުން ބުނީ ބައްޕަގެ އެއްޗެއްކަމަށް
ބިލިއަން ރުފިޔާގެ ޑްރަގް މައްސަލަ: ބަންދު އިތުރުކޮށްފި
ރަހީނުކޮށްގެން ގެންގުޅުނު ފްލެޓްގައި އަނެއްކާ ރެއިޑެއް!