ނައިފަރުން ގެއްލުނު ކުއްޖާ ފަސް ދުވަސް ފަހުން އެ ރަށުން ފެނިއްޖެ

ޅ. ނައިފަރުން ގެއްލިގެން ހޯދަމުން އަންނަ ކުޑަކުއްޖާ މިއަދު އެ ރަށުން ފެނިއްޖެ އެވެ.

ފުލުހުން ބުނީ އެ ކުއްޖާ ހޯދުމުގެ މަސައްކަތް ކުރަމުން އަންނަނިކޮށް މިހާރު ފެނިފައިވާ ކަމަށެވެ. އެ ކުއްޖާ ފެނުނީ ރަށުން ކަމަށާއި އޭނާގެ ހާލު ވެސް ރަނގަޅު ކަމަށް ފުލުހުން ބުންޏެވެ.

އެ ކުއްޖާ ފެނުނު ތަނާއި އިތުރު ތަފުސީލެއް ވެސް ފުލުހުން ނުދެ އެވެ.

މިދިޔަ ބުރާސްފަތި ދުވަހުގެ ހަވީރުން ފެށިގެން ގެއްލިގެން ހޯދަމުން އައީ ޅ. ނައިފަރު ސީނިޔާގެ، 13 އަހަރުގެ ހަދީޖަތު މައިސަރާ އަބޫބަކުރު ފައިސަލެވެ.

އެންމެ ފަހުން ފެނުނު އިރު އެ ކުއްޖާ ލައިގެން ހުރީ މުށިކުލައިގެ ޓޮޕަކާއި މަޑުނޫކުލައިގެ ޖީންސެއް އަދި އަރައިގެން ހުރީ ކަޅުކުލައިގެ ފައިވާނަކަށް ކަމަށް ފުލުހުން އޭރު ބުންޏެވެ.