06 ނޮވެމްބަރ 2023
ހޮލީވުޑްގެ މަޝްހޫރު އެކްޓަރު، އާނޯލްޑް ޝްވެޒްނެގާ ދުއްވި ކާރެއް، ބައިސްކަލަކާ އެކްސިޑެންޓުވި މައްސަލާގައި އޭނާގެ މައްޗަށް ދައުވާ ކުރަން ނިންމައިފި އެވެ.
ހޮލީވުޑްގެ މަޝްހޫރު އެކްޓަރު، އާނޯލްޑް ޝްވެޒްނެގާ ދުއްވި ކާރެއް، ބައިސްކަލަކާ އެކްސިޑެންޓުވި މައްސަލާގައި އޭނާގެ މައްޗަށް ދައުވާ ކުރަން ނިންމައިފި އެވެ.
ރިޕޯޓްތައް ބުނީ އާނޯލްޑްގެ އެސްޔޫވީ ކާރާއި ބައިސްކަލެއް ޖެހި، އެ އެކްސިޑެންޓު ހިނގީ މިދިޔަ ފެބްރުއަރީ މަހު އެމެރިކާގެ ލޮސް އެންޖެލަސްގަ ކަމަށެވެ.
ބައިސްކަލް ދުއްވަން އިނީ ޖޮއާން ފްލިކިންޖާ ކިޔާ އަންހެނެކެވެ. އެ އެކްސިޑެންޓުގައި އޭނާ އަށް އަނިޔާވެގެން ހޮސްޕިޓަލުގައި ފަރުވާ ވެސް ދިން ކަމަށް ވެސް ރިޕޯޓްތައް ބުންޏެވެ.
އެ އަންހެން މީހާ ތުހުމަތުކުރާ ގޮތުގައި، އެ އެކްސިޑެންޓް ހިނގީ އާނޯލްޑްގެ ފަރުވާ ކުޑަކަމުންނެވެ. އޭނާ އެއްވެސް ވަރަކަށް މަގުން ދުއްވާ އެހެން ވެހިކަލްތަކަށް ސަމާލުކަން ނުދީ، މާ ބާރަށް ކާރު ދުއްވީ އެވެ. އަދި އެ އެކްސިޑެންޓުގައި އޭނާ އަށް ސީރިއަސް އަނިޔާތަކެއް ލިބުނު ކަމަށް ބުންޏެވެ.
އެހެންވެ، އާނޯލްޑްގެ މައްޗަށް ދައުވާ ކުރަން އެ އަންހެން މީހާ ނިންމީ އެވެ.
އެ މައްސަލާގައި އާނޯލްޑާއި ލޮސް އެންޖެލަސްގެ ފުލުހުން ވެސް މީޑިއާ އެއްވެސް ވާހަކައެއް އަދި ނުދައްކަ އެވެ. ނަމަވެސް، ބައެއް ރިޕޯޓްތައް ބުނި ގޮތުގައި، އެ އެކްސިޑެންޓުގައި އާނޯލްޑްގެ އިހުމާލެއް އޮތް ކަމަށް ބުނެ ފަތުރަނީ ދޮގު ވާހަކަތަކެކެވެ.
އެ އެކްސިޑެންޓަށް ފަހު އާނޯލްޑް ފުލުހުންނާއި ކަމާ ބެހޭ އެހެން އިދާރާތަކަށް ވެސް އެއްބާރުލުން ދިން ކަމަށާއި އެކްސިޑެންޓުގައި ގެއްލުން ލިބުނު ބައިސްއިކަލު ވެސް މަރާމާތުކޮށްދިން ކަމަށް ބައެއް ރިޕޯޓުތަކުގައި ބުނެފައިވެ އެވެ.
އެކްސިޑެންޓް ގިނަވެ ބިރުވެރިކަން، ހަމަ ގާނޫނު މަދީތަ؟
ބައުޒަރެއްގައި ސައިކަލަކުން ޖެހި ޒުވާނަކަށް އަނިޔާވެއްޖެ
ހުޅުމާލޭގައި ކެރޭނެއް ފުރޮޅާލައިފި
ސްޕޯޓްސް ކާރު އެކްސިޑެންޓް: ދައުވާކުރަން ފޮނުވައިފި
ބާރަށް ކާރު ދުއްވި މީހަކު ފިލަން އުޅުމުން ހައްޔަރު
ފިލަން އުޅުމުން ޕޮލިހެއްގެ ގައިގައި ސައިކަލުން ޖެހިއްޖެ
ޓްރެފިކް ޕޮލިސް: ބޮކި ދިއްލެނީ ފާލުން ނެއްޓުނީމަތަ!
މިރޭ ވެސް އެކްސިޑެންޓެއް، ތިން މީހަކަށް އަނިޔާވެއްޖެ
އެކްސިޑެންޓުވެގެން ހާލު ސީރިޔަސްވި ޒުވާނަކު މަރުވެއްޖެ
އެކްސިޑެންޓުތައް އިތުރުވެއްޖެ، މިއަހަރު 1907 ހާދިސާ