މާލޭ އިންޑަސްޓްރިއަލް ޒޯން ސަރަހައްދު ސަރުކާރާ ހަވާލުކުރަން ސިޓީ ކައުންސިލްގެ މައްޗަށް ސިވިލް ކޯޓުން ހުކުމްކޮށްފި އެވެ.
24 ޖުލައި 2024
މާލޭ އިންޑަސްޓްރިއަލް ޒޯން ސަރަހައްދު ސަރުކާރާ ހަވާލުކުރަން ސިޓީ ކައުންސިލްގެ މައްޗަށް ސިވިލް ކޯޓުން ހުކުމްކޮށްފި އެވެ.
އިންޑަސްޓްރިއަލް ޒޯން ސަރަހައްދު ހުސްކޮށް، އެތަން ސަރުކާރާ ހަވާލުކުރަން ހައުސިން މިނިސްޓްރީން 2022 ވަނަ އަހަރު އެންގުމުން ވެސް ސިޓީ ކައުންސިލުން ވަނީ އެއީ ސިޓީ ކައުންސިލްގެ ބިމެއް ކަމަށް ބުނެ އެތަން އަނބުރާ ހަވާލުކުރަން ދެކޮޅު ހަދައިފަ އެވެ. އަދި އެ ސަރަހައްދުގައި ތިލަމާލެ ބްރިޖްގެ މަސައްކަތް ހިނގަމުން ދާތީ، އެތަން ތިން ވަނަ ފަރާތަކަށް ނުދިނުމަށް ވެސް މިދިޔަ އަހަރުގެ ކުރީކޮޅު ސަރުކާރުން އޮތީ އަންގައިފަ އެވެ.
އެ ބިން އަނބުރާ ހޯދަން ހައުސިން މިނިސްޓްރީން ދައުވާ ކުރުމުން ސިވިލް ކޯޓުން އިއްޔެ ކުރި ހުކުމުގައިވަނީ އެ މައްސަލާގައި ސިޓީ ކައުންސިލުން ކޯޓުގައި ޖަވާބުދާރީވެފައި ނުވާ ކަމަށާއި އެހެންވެ، ސަރުކާރުން ހުށަހެޅި ކަންކަމަށް ބަލާއިރު އެ ބިމަކީ ސަރުކާރުގެ ބިމެއް ކަން ސާބިތުވާ ކަމަށެވެ.
އެހެންކަމުން އެ ބިމުގައި ސިޓީ ކައުންސިލުން ކުރާ ހުރިހާ ކަމެއް ހުއްޓާލުމަށްފަހު މިމަހުގެ 30 ވަނަ ދުވަހުގެ ކުރިން އެ ބިން ހައުސިން މިނިސްޓްރީއާ ހަވާލުކުރަން ސިޓީ ކައުންސިލްގެ މައްޗަށް އަންގާ ކަމަށް އެ ކައުންސިލްގެ ޣައިރު ހާޒިރުގައި ކުރި ހުކުމުގައިވެ އެވެ.
އިންޑަސްޓްރިއަލް ޒޯންގެ ބޮޑު ބައެއް މިހާރު ބޭނުން ކުރަނީ ގިނަ އަދަދެއްގެ ވެހިކަލްތައް ޕާކް ކުރުމަށެވެ.
ހުޅުމާލޭގެ ރަޖިސްޓްރީ ބާތިލްކުރި ނިންމުން ހުއްޓުވައިފި
ބިމުގެ ވެރިފަރާތް ނޭނގިގެން އައިލެންޑާސް އިން ކޯޓަށް
ސިޓީ ކައުންސިލް މެމްބަރުން ހުވާކުރަން ދަރުބާރުގެ ނުދިން
ސަރުކާރުން ފައިސާ ނުދީގެން އިންޑިއާ ކުންފުންޏަކުން ކޯޓަށް
މާލެ ސިޓީ ކައުންސިލްގެ ރައްޔިތުންގެ ބައްދަލުވުން އަންނަ މަހު
ނުގަވާއިދުން ބިން ދޫކުރުމުގެ ތުހުމަތަށް އަރީޝްގެ ރައްދު
"ފުރިހަމައަށް އެއްބާރުލުން ދޭނެ ކައުންސިލަރުން ބޭނުންވޭ"
"މައިދާން ދޫކޮށް ނުފިލާނަން، ހުންނާނީ ހިދުމަތުގައި"
ނ. އަތޮޅު ކައުންސިލުން ހާޒިރުނުވާތީ މައްސަލަ ބޭރު
ހުޅުމާލެއަށް ވަކި ކައުންސިލެއް ހަދަން ގޮވާލައިފި