އޮސްޓްރޭލިއާ ނޭވީގެ އިމާމް ހުޅުމާލޭ ރަޝީދު މިސްކިތުގައި ހުތުބާ ދެއްވަނީ

އޮސްޓްރޭލިއާ ނޭވީގެ އިމާމް މަޖްދީ އީސާ ރާއްޖޭގައި ހުތުބާއެއް ދިނުމުގެ ފުރުސަތު އިސްލާމިކް މިނިސްޓްރީން ދީފި އެވެ.

އެ މިނިސްޓްރީން ބުނީ އޮސްޓްރޭލިއާ ނޭވީގެ އިމާމް އަންނަ ހުކުރު ދުވަހު ރަޝީދު މިސްކިތުގައި ހުތުބާއެއް ދެއްވާނެ ކަމަށާއި އޭނާ ހުތުބާ ދެއްވާނީ އިނގިރޭސި ބަހުން ކަމަށެވެ.

އޭނާއަކީ މަދީނާގެ އިސްލާމިކް ޔުނިވާސިޓީ އިން ތައުލީމު ހާސިލް ކުރައްވާފައިވާ ބޭފުޅެއް ކަމަށް އެ މިނިސްޓްރީން ބުންޏެވެ.

ރާއްޖޭގައި ފުރަތަމަ ފަހަރަށް ބޭރު މީހަކު އިނގިރޭސި ބަހުން ހުތުބާ ދެއްވުމަށް ދައުވަތު އެރުވީ ވެސް ޑރ. މުހައްމަދު ޝަހީމް އަލީ ސައީދުގެ އިސްލާމިކް މިނިސްޓަރު ކަމުގައި 2015 ވަނަ އަހަރު އެވެ. އެމެރިކާގެ މަޝްހޫރު ދީނީ އިލްމުވެރިޔާ ޑރ. ޔާސީރު ގާދީ ރާއްޖެއަށް ވަޑައިގެން، ހުތުބާ ދެއްވީ އިސްލާމީ މަރުކަޒުގަ އެވެ.