ލަންކާގެ ފެޝަން ވީކަށް ބީއެމްއެލްއިން ފޮނުވާ ނަސީބުވެރިޔާ ހޮވައިފި

ސްރީ ލަންކާގައި މި މަހު އޮންނަ ފެޝަން ވީކުގައި ބައިވެރިވުމުގެ ފުރުސަތު ދިނުމުގެ ގޮތުން ބީއެމްއެލް އާއި މާސްޓާކާޑު ގުޅިގެން ކުރިއަށް ގެންދިޔަ ޕްރޮމޯޝަނުގެ ނަސީބުވެރިޔާ ހޮވައިފި އެވެ.

އެ ޕްރޮމޯޝަނުގެ ހާއްސަ ލަކީޑްރޯއިން ހޮވުނީ އިބްރާހީމް ސަލީމް އެވެ.

ފެބުރުއަރީ 19 އިން 22 އަށް ސްރީލަންކާ އަށް އެ ޝޯ ބަލަން އިތުރު މީހަކާ އެކު ދިއުމުގެ ފުރުސަތު އޭނާ އަށް ލިބޭނެ އެވެ. އެ ޕްރޮމޯޝަނުގެ އިނާމުގެ ގޮތުގައި ބިޒްނަސް ކްލާސް ދެކޮޅު ޓިކެޓާއި، 5 ތަރީގެ ހޮޓަލެއްގައި ހުރުމާއި، އަދި އިވެންޓަށް ވީވީއައިިޕީ ޓިކެޓު ވެސް ލިބޭނެ އެވެ. އަދި ތަފާތު ކަލިނަރީ ތަޖުރިބާތައްކޮށްލުމުގެ ފުރުސަތު ވެސް އޭނާއަށް ލިބޭނެ އެވެ.

ބީއެމްއެލް އިން މާސްޓަކާޑާ ގުޅިގެން ކުރިއަށް ގެންދިޔަ އެ ޕްރޮމޯޝަނަކީ ހަމައެކަނި ބީއެމްއެލްގެ މާސްޓަކާޑު ޑެބިޓް އަދި ކްރެޑިޓް ކާޑު ބޭނުންކުރާ ކަސްޓަމަރުންނަށް ހުޅުވާލި ޕްރޮމޯޝަނެކެވެ. މިއީ ބޭންކުން ކަސްޓަމަރުންނަށް ތަފާތު ތަޖުރިބާތައް ފޯރުކޮށްދިނުމަށް ކުރަމުންދާ މަސައްކަތުގެ ދަށުން ހިންގުނު ޕްރޮމޯޝަނެކެވެ.