އާރުޑީސީގެ ޗެއާމަންގެ މަގާމުން ޝާމީ ވަކިކޮށްފި

ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ)ގެ ޗެއާމަންގެ މަގާމުގައި ހުންނެވި މުހައްމަދު ޝާމީ އާދަމް، އެ މަގާމުން މިއަދު ވަކިކޮށްފި އެވެ.

ޕްރައިވެޓައިޒޭޝަން އެންޑް ކޯޕަރަޓައިޒޭޝަން (ޕީސީބީ) އިން ބުނީ، އާރުޑީސީގެ ޗެއާޕާސަންގެ މަގާމުންނާއި އެ ކުންފުނީގެ ބޯޑުގެ މެމްބަރުކަމުން، މ. އެމޭޒަން މުހައްމަދު ޝާމީ އާދަމް، އިއްޔެ ވަކިކޮށްފައިވާ ކަމަށެވެ.

މީގެ އިތުރުން، އެސްއެމްއީ ޑިވެލޮޕްމަންޓް ފައިނޭންސް ކޯޕަރޭޝަން (އެސްޑީއެފްސީ)ގެ ބޯޑު މެމްބަރުކަން ވެސް ކުރައްވާ ޝާމީ، އެ ބޯޑުން ވެސް ވަކިކޮށްފައިވާ ކަމަށް ޕީސީބީން ބުންޏެވެ.

ނަމަވެސް، ޝާމީ ވަކިކުރި ސަބަބެއް ޕީސީބީން ހާމަކޮށްފައެއް ނުވެ އެވެ.

އާރުޑީސީގެ ޗެއާމަންގެ މަގާމަށް ޝާމީ އައްޔަނުކޮށްފައިވަނީ މިދިޔަ އަހަރުގެ ޖަނުއަރީ މަހުގެ ތެރޭގަ އެވެ.