އޭއެޗް ބްރަދާސްގެ ރޯދަ ޕްރޮމޯޝަންގެ އެއް ވަނަ އިނާމަކަށް ދުބާއީ ދަތުރެއް

އޭއެޗް ބްރަދާސްގެ ރޯދަ ޕްރޮމޯޝަންގައި ބައިވެރިވާ ކަސްޓަމަރުންގެ ތެރެއިން އެއް ވަނަ އަށް ހޮވޭ މީހަކަށް ދުބާއީގައި ޗުއްޓީ ހޭދަކުރުމަށް ދެކޮޅު ޓިކެޓް ދޭނެ ކަމަށް އެ ފިހާރައިން ބުނެފި އެވެ.

އޭއެޗް ބްރަދާސް އިން ކުރާ ކޮންމެ 500ރ. ގެ ވިޔަފާރިއަކަށް ކޫޕަނެއް ދޭ މި ޕްރޮމޯޝަންގައި ދެ ވަނަ އަށްދާ މީހަކަށް ދޭން ހަމަޖައްސާފައި ވަނީ ބެންކޮކް ދެކޮޅު ޓިކެޓެވެ. އަދި ތިން ވަނަ އިނާމަކަށް ދެ މީހަކަށް ރާއްޖޭގެ ރިސޯޓެއްގައި އެއް ރޭ ޗުއްޓީ ހޭދަކުރުމުގެ ފުރުސަތު ދޭނެ އެވެ.

އެ ފިހާރައިން ބުނީ ކޫޕަން ހުށަހަޅާ މީހުންގެ މެދުގައި ގުރުއަތު ނެގުން ޖޫން 24 ގައި އޮންނާނެ ކަމަށެވެ.

މި ޕްރޮމޯޝަންގައި އޭއެޗް ބްރަދާސްގެ ފިހާރައިން ލިބެން ހުންނަ ހާޑްވެއާ އަދި ގޭތެރޭ ބޭނުންވާ ސާމާނުން 15-40 ޕަސެންޓް ޑިސްކައުންޓް ލިބޭނެ އެވެ.

ބޮޑު އިން އިނާމުގެ އިތުރުން މި ޕްރޮމޯޝަންގައި ކޮންމެ ދުވަހަކު އިނާމު ހޯދުމުގެ ފުރުސަތު ވެސް އޮވެ އެވެ. އެގޮތުން 1،500ރ. ގެ ކޮންމެ ވިޔަފާރިއަކަށް ވަގުތުން އިނާމެއް ލިބޭނެ ކަމަށް އޭއެޗް ބްރަދާސް އިން ބުންޏެވެ.