މީޑިއާ ނެޓުން މިފަހަރު ވެސް ޕްރިމިއާ ލީގު ދައްކާނެ

އަންނަ ހަފުތާގެ ހުކުރުގައި ފަށާ، އިނގިރޭސި ޕްރިމިއާ ލީގުގެ މެޗުތައް، މީޑިއާ ނެޓުގެ ޗެނަލްތަކުން މިފަހަރު ވެސް ދައްކާނެ އެވެ.

ޕްރިމިއާ ލީގު ދައްކާނީ، މިޑީއާ ނެޓްގެ ކުޅިވަރު ޗެނަލް އައިސް ސްޕޯޓްސްއިންނެވެ. އަދި އޭގެ އިތުރުން މީޑިއާނެޓުގެ ޗެނަލް 880، ޕްރިމިއާ ލީގު ޓީވީން ވެސް ދައްކާނެ އެވެ. މީޑިއާ ނެޓުގެ މަލްޓި ސްކްރީނުން ވެސް ބެލޭނެ އެވެ. އެންޑްރޮއިޑް ޔޫއެޗްޑީ ޓީވީ ބޭނުން ކުރާ ފަރާތްތަކަށް އެމްއެސްޓީވީ މެދުވެރިކޮށް ވެސް ބެލޭނެ އެވެ.

ޕްރިމިއާ ލީގުގެ ފުރަތަމަ މެޗުގައި އަންނަ ހަފުތާގެ ހުކުރު ދުވަހުގެ ރޭ، އާސެނަލް ނުކުންނާނީ އަލަށް ޕްރޮމޯޓްވި ބްރެންޓްފޯޑް އާ ދެކޮޅަށެވެ. އެ މެޗު އޮންނާނީ ހުކުރު ދުވަހުގެ ރޭ ރާއްޖޭ ގަޑިން ދަންވަރު 12 ޖަހާއިރު އެވެ.

އެންމެ ފަހުގެ ޗެމްޕިއަން މެންޗެސްޓާ ސިޓީ ކުޅޭ ފުރަތަމަ މެޗުގައި މި މަހު 15 ވަނަ ދުވަހު ނުކުންނާނީ ޓޮޓެންހަމް ހޮޓްސްޕާސްއާ ދެކޮޅަށެވެ.