ކޮންމެ ވަގުތެއްގައި ވެސް ޕާސްޕޯޓު ހައްދަން މިހާރު ހުށަހެޅޭނެ

ޕާސްޕޯޓު ހައްދަން ކޮންމެ ވަގުތެއްގައި ވެސް އެދޭވޭނެ ކަމަށް އިމިގްރޭޝަނުން ބުނެފި އެވެ.

އިމިގްރޭޝަނުން ބުނީ މިއަދުން ފެށިގެން ހަފްތާގެ ކޮންމެ ދުވަހެއްގެ ކޮންމެ ވަގުތެއްގައި ވެސް "އިމުގާ" ޕޯޓަލް މެދުވެރިކޮށް ޕާސްޕޯޓަށް އެދި ހުށަހެޅޭނެ ކަމަށެވެ. މި ޕޯޓަލް މެދުވެރިކޮށް ހުށަހަޅާ އެޕްލިކޭޝަންތައް ޕްރޮސެސް ކުރާނީ ހުށަހަޅާ ތަރުތީބުންނެވެ.

ޕާސްޕޯޓް ޕްރޮސެސް ކުރުމަށް ފަހު ފައިސާ ދައްކާތާ 24 ތެރޭގައި ޕާސްޕޯޓް ދޫކުރާނެ އެވެ.

މިދިޔަ ޖޫން މަހުން ފެށިގެން "އިމުގާ" މެދުވެރިކޮށް އެޕްލިކޭޝަން ހުށަހެޅޭނެ އިންތިޒާމުތައް އިމިގްރޭޝަނުން ފެށި އެވެ. އެހެން ނަމަވެސް މީގެ އެއް މަސް ކުރިން ޕޯޓަލް އަޕްގްރޭޓު ކުރަން ހިދުމަތް މެދުކަނޑާލި އެވެ. މިއަދުން ފެށިގެން އަނެއްކާ ވެސް އެ ޕޯޓަލްގެ ބޭނުން އާންމުންނަށް ކުރެވޭނެ އެވެ.

މި ޕޯޓަލް މެދުވެރިކޮށް އެކި ވިސާތަކަށް ވެސް އެދި ހުށަހެޅޭނެ ކަމަށް އިމިގްރޭޝަނުން ބުނެފައިވެ އެވެ.