16 ޑިސެމްބަރ 2021
މިދިޔަ އާދިއްތަ ދުވަހުން ފެށިގެން ފުލުހުން ކުރިއަށްގެންދާ ޑްރަގް އޮޕަރޭޝަންގައި މިހާތަނަށް ތިން މީހަކު ހައްޔަރުކޮށްފި އެވެ.
މިދިޔަ އާދިއްތަ ދުވަހުން ފެށިގެން ފުލުހުން ކުރިއަށްގެންދާ ޑްރަގް އޮޕަރޭޝަންގައި މިހާތަނަށް ތިން މީހަކު ހައްޔަރުކޮށްފި އެވެ.
ފުލުހުން މިއަދު ބުނީ ރާއްޖެއަށް މަސްތުވާތަކެތި އެތެރެކޮށް، ވިޔަފާރިކުރާ ކަމުގެ މައުލޫމާތު ފުލުހުންގެ އިންޓެލިޖެންސަށް ލިބުމާ ގުޅިގެން ޑްރަގް އެންފޯސްމަންޓާއި ކައުންޓަ ނާކޮޓިކްސް އިންޓެލިޖެންސް ގުޅިގެން ހިންގި އޮޕަރޭޝަންތަކުގައި މާލޭގެ ތިން ގެއަކާއި ހުޅުމާލޭގެ ގެއަކާއި ޓެކްސީއަކާއި ފްރައިވެޓް ކާރެއް އަދި ތިން ސައިކަލު ފާސްކޮށްފައިވާ ކަމަށެވެ.
މި އޮޕަރޭޝަންތަކުގައި ހައްޔަރުކޮށްފައި ވަނީ 51 އަހަރުގެ ފިރިހެނަކާއި 25 އަހަރުގެ ފިރިހެނަކާއި 29 އަހަރުގެ ފިރިހެނެކެވެ. މީގެ ތެރެއިން 51 އަހަރުގެ މީހާ އާއި 25 އަހަރުގެ މީހާ ހައްޔަރުކުރީ މާލޭން ފާސްކުރި ޓެކްސީއަކުން ފެނުނު މަސްތުވާތަކެތީގެ މައްސަލައިގަ އެވެ.
މިތަނުން 29 އަހަރުގެ މީހާ އަކީ ގދ. ހޯނޑެއްދޫ މީހެއް ކަމަށްވާ އަހުމަދު މުޖާހިދު އެވެ. އޭނާ ހައްޔަރުކުރީ ހުޅުމާލޭގައި އޮތް ޕްރައިވެޓް ކާރަކުން ފެނުނު ޑްރަގްސްގެ މައްސަލައިގަ އެވެ.
ކޯޓުން އިއްޔެ ވަނީ އޭނާގެ ބަންދަށް 14 ދުވަސް ދީފަ އެވެ. އަނެއް ދެ މީހުންގެ ބަންދަށް ވަނީ 15 ދުވަސް ދީފަ އެވެ.
ދެ ކާރުން ފެނުނު ޑްރަގްސްގެ އިތުރުން ތިން ސައިކަލެއް ފާސްކޮށް ގިނަ އަދަދެއްގެ ޑްރަގްސް ވަނީ ހޯދައިފަ އެވެ.
ފުލުހުން ބުނި ގޮތުގައި ޑްރަގް އޮޕަރޭޝަންގައި މިހާތަނަށް 119 ކިލޯ ޑްރަގްސް ވަނީ ފެނިފަ އެވެ. އެންމެ ފުރަތަމަ ޑްރަގްސް ފެނުނީ އާދީއްތަ ދުވަހު، މާލޭގައި ދުއްވާފައި ދިޔަ ޓެކްސީއަކުންނެވެ.
މި ޑްރަގްތައް ރާއްޖެ އަށް އެތެރެކޮށްފައި ވަނީ ޑްރަގް ނެޓްވޯކެއް ކަމަށް ތުހުމަތުކޮށް ދައުވާ އުފުލުމުން ދާދި ފަހުން ކުށް ސާބިތުނުވެގެން ކްރިމިނަލް ކޯޓުން ދޫކޮށްލި ބަޔަކު ކަމަށް "މިހާރު" އަށް ވަނީ އެނގިފަ އެވެ.
ފުލުހުން މި އަހަރުގެ މިހާތަނަށް ވަނީ ކަނޑުމަގުން ރާއްޖެއަށް އެތެރެކުރި 400 ކިލޯއަށްވުރެ ގިނަ ޑްރަގްސް އަތުލައިގެންފަ އެވެ. ނަމަވެސް މި މައްސަލަތަކުގައި ހިމެނޭ ގިނަ މީހުން އެކި ސަބަބުތަކާ ހެދި ކޯޓު މަރުހަލާއިން ވަނީ ސަލާމަތްވެފަ އެވެ.
ޑްރަގްގެ މައްސަލައިގެ ދެ މީހުންގެ ބަންދު އިތުރުކޮށްފި
ޑްރަގް އޮޕަރޭޝަނެއްގައި މާލެއިން ފަސް މީހުން ހައްޔަރު
ކެނެބިސް ޓްރެފިކްގެ މައްސަލައަކާ ގުޅިގެން މީހަކު ހޯދަނީ
22 މިލިއަން ރުފިޔާގެ މަސްތުވާތަކެތި އަތުލައިގެންފި
ގާނޫނާ ހެދި 8 ޑްރަގަކާ މެދު ފިޔަވަޅެއް ނޭޅޭ
ޑްރަގް ޓްރެފިކިންގެ ކުށްވެރިން ދޫވާ ސަބަބު ހޯދަނީ
ރާއްޖެ އެތެރެކުރި 8 ކިލޯގެ ޑްރަގްސް އަތުލައިގެންފި
ތިން ކިލޯގެ ޑްރަގާ ހަވާލުވާންދިޔަ މީހާ އުމުރަށް ޖަލަށް
ފަރުވާގެ އެއްބަސްވުމާ ހިލާފުވި މީހާ ތިންއަހަރަށް ޖަލަށް
ޓެގްގައި ނަން އޮތަސް ޑްރަގް ފެނުނު ލަގެޖާ ހަވާލެއްނުވި