ޝާހިދު ކޮވިޑަށް ޕޮޒިޓިވް ވެއްޖެ

23 ޑިސެމްބަރ 2021

އދ. ގެ އާންމު މަޖިލީހުގެ ރައީސް އަދި ރާއްޖޭގެ ފޮރިން މިނިސްޓަރު އަބްދުﷲ ޝާހިދު ކޮވިޑް-19 އަށް އިއްޔެ ޕޮޒިޓިވްވެއްޖެ އެވެ.

މާއިދާ މުހައްމަދު ރަޝާދު

އދ. ގެ 76 ވަނަ އާންމު މަޖިލީހުގެ ސެޝަންގެ ރައީސް ކަމަށް މިދިޔަ ސެޕްޓެމްބަރު މަހު އިންތިހާބުކުރި ފަހުން، ނިއުޔޯކްގައި ދިރިއުޅުއްވަމުން ގެންދަވާ ޝާހިދު ކުރެއްވި ޓްވީޓެއްގައި ވިދާޅުވީ، އޭނާ އަށް ކޮވިޑް ޖެހުނީ އެ ބަލިން ދިފާއުވުމަށް ބޫސްޓާ ޑޯޒް ވެސް މިދިޔަ ހަފުތާގައި ޖައްސަވާފައި ވަނިކޮށް ކަމަށެވެ.

ކޮވިޑް ޖެހުމާއެކު، ޝާހިދު ވަނީ ނިއުޔޯކްގައި އޭނާ ދިރިއުޅުއްވާ ގޭގައި އެކަހެރިވެވަޑައިގެންފަ އެވެ،

ކޮވިޑް ޖެހިފަައިވާ މީހުންނާއި އެ ބަލިން ދިފާއު ވުމުގެ ވެކްސިން ޖެހުމުގެ ނަސީބު ނެތް މީހުންނަށް ހެޔޮ ދުއާ ކުރައްވާ ކަމަށް ވިދާޅުވެ، ޝާހިދު ވަނީ ވެކްސިންގެ ހަމަހަމަ ކަމަށް ފެށުނީއްސުރެ ގޮވާލައްވާ ގޮވާލެއްވުން ތަކުރާރު ކުރައްވައިފަ އެވެ.

I have tested positive for COVID19 today. I am isolating at home with mild symptoms.

I was privileged to have been fully vaccinated including a booster. My prayers are with the millions suffering from Covid and the billions without access to vaccine! I Stand for #VaccineEquity
— Abdulla Shahid (@abdulla_shahid) December 22, 2021

ޝާހިދުގެ ޓުވީޓް

ފޮރިން މިނިސްޓްރީން ބުނިގޮތުގައި، ކޮވިޑަށް ޕޮޒިޓިވްވި ނަމަވެސް ޝާހިދުގެ ފަރާތުން ބަލީގެ މާބޮޑު އަލާމާތްތަކެއް ނުފެނެ އެވެ. އަދި މިދިޔަ ދުވަސްތަކުގައި ޝާހިދު ބައްދަލުކުރައްވާފައި ވަނީ މަދު ބަޔަކާ ކަމަށާއި އެ މީހުންނަށް ވެސް ސަމާލުވާން އަންގަވާފައިވާ ކަމަށް މިނިސްޓްރީން ބުންޏެވެ.

Comments