ޑްރައިޕާސް މެގަޕެކްތަކާ އެކު ކުޑަކުދިންނަށް ކާންދޭ ތައްޓެއް ހިލޭ

ޑްރައިޕާސްގެ މެގް ޕެކްތަކާ އެކު، ކުޑަކުދިންނަށް ކާން ދޭ ތައްޓެއް ލިބޭ ޕްރޮމޯޝަނެއް އޭޑީކޭ ޖެނެރަލް ޓްރޭޑުން ފަށައިފި އެވެ.

މި ޕްރޮމޯޝަނުގެ ދަށުން ދެނީ "ސަކްޝަން ޕްލޭޓް" އެކެވެ. މިއީ މޭޒު މަތީގައި ތަތްކޮށްލެވޭ ތައްޓެކެވެ.

އޭޑީކޭ ޖެނެރަލް ޓްރޭޑިން އިން ފަށާފައިވާ މި ޕްރޮމޯޝަން ކުރިއަށްދާނީ މިހާރު ހުރި މެގަޕެކް ސްޓޮކް ހުސްވަންދެންނެވެ. މެގަޕެކަކީ ކޮންމެ ސައިޒެއްގެ ވެސް އެންމެ ބޮޑެތި ޕެކުތަކެވެ.

މި ޕްރޮމޯޝަން ކުރިއަށްދާނީ ބުރުޒު މަގުގައި ހުންނަ ގަންނަ މާޓުގަ އާއި ސޯސަން މަގުގައި ހުންނަ އޭޑީކޭ ޖީޓީ ސްނެޕް ފިހާރައިގަ އެވެ. އަދި އޭޑީކޭ ޕާމަސީތަކުން ވެސް ލިބޭނެ އެވެ.

އޭޑީކޭ ޖެނެރަލް ޓްރޭޑުން ރާއްޖެ އެތެރެކޮށް ޑިސްޓްރިބިއުޓް ކުރާ ޑްރައިޕާސް އަކީ ދުނިޔޭގެ އެންމެ ރަނގަޅު ނިއުބޯން ނެޕީ އުފައްދާ ބްރޭންޑެވެ. އެ ބްރޭންޑުގެ ނެޕީތަކަކީ ކުޑަކުދިންގެ ހަމާ ގުޅޭގޮތަށް ތައްޔާރުކޮށްފައިވާ ތިމާވެއްޓާ ރައްޓެހި އުފެއްދުމެކެވެ. މި ނެޕީގައި ހިމެނޭ ލީކެޖް އިންޑިކޭޓާއިން، ނެޕީ ތެމިއްޖެ ނަމަ އެކަން އަންގައިދޭނެ އެވެ.