މަހިބަދޫ ބަލިކޮށް ޓީސީން ސެމީ ފައިނަލަށް

ޔޫތު ޗެމްޕިއަންޝިޕްގައި ޓީސީ ސްޕޯޓްސް ކްލަބް ކުޅުނު ދެވަނަ މެޗުގައި، މަހިބަދޫ ސްޕޯޓްސް ކްލަބުގެ މައްޗަށް 3-2 އިން ކާމިޔާބު ހޯދައި ސެމީ ފައިނަލަށް ދަތުރުކޮށްފި އެވެ.

ގައުމީ ފުޓްބޯޅަ ދަނޑުގައި މިރޭ ކުޅުނު މެޗިގައި ވެސް ޓީސީ މޮޅުކޮށްދިނުމުގައި މި މެޗުގައި ވެސް މުހިންމު ދައުރެއް އަދާކުރި އެއް ކުޅުންތެރިޔަކީ، ޔޫސުފް ޝާއިފް އެވެ. މިރޭގެ މެޗުގައި އޭނާ ވަނީ ދެ ލަނޑު ޖަހައިފަ އެވެ.

ޓީސީ މެޗުން މޮޅުކޮށްދިން ލަނޑު މިރޭ ޖެހި ފަހުމާން އަބްދުލް ހަމީދު ވަނީ ވެލެންސިއާގެ މެޗުގައި ދެ ލަނޑު ޖަހައިފަ އެވެ. މިރޭ ޓީސީގެ ތިން ލަނޑު ވެސް ޖެހީ މަހިބަދޫއިން ދެ ލަނޑުގެ ލީޑެއް ނަގައިފައިވަނިކޮށެވެ.

ފުރަތަމަ ހާފްގެ ވަރަށް ކުރީކޮޅު މަހިބަދޫގެ ދެ ލަނޑު ވެސް ޖެހީ ހަސަން ނާއިމް އެވެ.

ނުވަ ޓީމު ދެ ގުރޫޕަކަށް ބަހައިލައިގެން ކުރިއަށް ގެންދާ މުބާރާތުގެ ސެމީ އަށް ދާނީ ކޮންމެ ގުރޫޕަކުން ވެސް އެންމެ ގަދަ ދެޓީމެވެ. ގުރޫޕް 2 ގެ އެއްވަނައިގައި މިހާރު އޮތީ ޓީސީ އެވެ. ދެވަނައިގައި ހަތަރު ޕޮއިންޓާއކު އޮތީ ޔުނައިޓެޑް ވިކްޓަރީ އެވެ. ކުޅުނު ދެ މެޗުން ވެސް ބަލިވެ ވެލެންސިއާ އޮތީ ފުލުގަ އެވެ.