ސްޓާލިންކް އިންޓަނެޓް ރާއްޖެއަށް ދިނުމަށް މަޝްވަރާކޮށްފި

ސްޓާލިންކް އިންޓަނެޓް ރާއްޖެއަށް ދޭން ސްޕޭސް އެކްސްއާ އެކު ސަރުކާރުން މަޝްވަރާކޮށްފި

13 ފެބުރުއަރީ 2022

ހައި ސްޕީޑް އިންޓަނެޓް ދިނުމަށް ސްޕޭސް އެކްސް އިން ހިންގާ ސްޓާލިންކް މަޝްރޫއުގެ ދަށުން ރާއްޖެއަށް އިންޓަނެޓް ޚިދުމަތް ފޯރުކޮށްދިނުމާ ބެހޭގޮތުން ޓެކްނޮލޮޖީ މިނިސްޓަރު އައިމިނަތު ޝައުނާ އާއި ސްޕޭސް އެކްސް ކުންފުނިން މިއަދު މަޝްވަރާކޮށްފި އެވެ.

މުއިއްޒު އިބްރާހިމް

ޓެސްލާގެ ވެރިޔާ އަދި ދުނިޔޭގެ އެންމެ ބޮޑު އެއް މަހުޖަނު އީލޮން މަސްކުގެ ސްޕޭސް އެކްސް ކުންފުނިން ސެޓެލައިޓް މެދުވެރިކޮށް ހައި ސްޕީޑް އިންޓަނެޓް ދުނިޔޭގެ އެކި ގައުމުތަކަށް ދަނީ ފޯރުކޮށްދެމުންނެވެ.

އެންވަޔަރްމަންޓް، ކްލައިމެޓް ޗޭންޖް އެންޑް ޓެކްނޮލޮޖީ މިނިސްޓްރީން މިއަދު ކުރި ޓްވީޓެއްގައިވަނީ އެ ޚިދުމަތް ފޯރުކޮށް ދިނުމާ ބެހޭގޮތުން މިނިސްޓަރު ޝައުނާ އާއި ސްޓާލިންކްގެ މާކެޓް އެކްސެސް ޑައިރެކްޓާ ރަޔާން ގުޑްނައިޓާ އެކު މިއަދު މަޝްވަރާ ކޮށްފައިވާ ކަމަށެވެ.

Mr. Ryan Goodnight, @SpaceX's #Starlink Market Access Director met with Minister @anuahsa today. Discussed SpaceX's plans to provide high-speed, low-latency broadband internet across the globe using their advanced satellites. pic.twitter.com/SNezYo876D
— Min. of Environment, Climate Change and Technology (@MoEnvmv) February 13, 2022

ޓެކްނޮލޮޖީ މިނިސްޓްރީގެ ޓްވީޓް

އެކަމާ ބެހޭ އިތުރު ތަފްސީލެއް އެ މިނިސްޓްރީން ހާމައެއް ނުކުރެ އެވެ.

ސްޓާލިންކްގެ އިންޓަނެޓް ޚިދުމަތް ރާއްޖެއަށް ދިނުމާ ބެހޭގޮތުން މަޝްވަރާ ކުރިއިރު، މި ސަރަހައްދަށް ސްޓާލިންކްގެ ޚިދުމަތް ލިބެން ފެށުމުން އެ ޚިދުމަތް ރާއްޖޭގައި މަނާ ކުރުމުގެ ވިސްނުމެއް ނެތް ކަމަށް މިނިސްޓަރު ޝައުނާ ކުރިން ވިދާޅުވެފައިވެ އެވެ.

Comments