ސިވިލް ކޯޓުގެ ފަނޑިޔާރު ކަމަށް ދެ ބޭފުޅުން އައްޔަން ކުރަނީ

ސިވިލް ކޯޓަށް އިތުރު ދެ ފަނޑިޔާރަކު އައްޔަން ކުރަން ޖުޑީޝަލް ސާވިސް ކޮމިޝަން (ޖޭއެސްސީ) އިން ނިންމައިފި އެވެ.

އެ ކޮމިޝަނުން މިއަދު ނެރުނު ބަޔާނެއްގައި ބުނީ، ސިވިލް ކޯޓުގެ ފަނޑިޔާރު ކަމުގެ ދެ މަގާމަށް ކުރިމަތިލެއްވި ބޭފުޅުންގެ ތެރެއިން އެ ދެ މަގާމަށް އައްޔަން ކުރަން ނިންމީ ސ. ފޭދޫ ފިތުރޯނުގޭ ޒުހައިލާ ޝީޒާ އާއި ގއ. މާމެންދޫ ފެހިގޭ، އަހުމަދު ނިމާލް ޖުނައިދު ކަމަށެވެ.

އެ ދެ ބޭފުޅުން ފަނޑިޔާރުކަމުގެ ހުވާ ކުރައްވަނީ އަންނަ ހަފުތާގަ އެވެ.

ސިވިލް ކޯޓުގައި މިވަގުތު ވެސް 14 ފަނޑިޔާރަކު ތިއްބަވަ އެވެ. ރާއްޖޭގައި އެއް ކޯޓެއްގައި އެންމެ ގިނަ ފަނޑިޔާރުން ތިއްބެވީ ވެސް ސިވިލް ކޯޓުގަ އެވެ.

ސިވިލް ކޯޓުގެ ފަނޑިޔާރުންނަށް މުސާރަ އާއި އިނާޔަތްތަކާ އެކު، 46،000 އަށް ވުރެ ގިނަ ރުފިޔާ އާއި ފޯން އެލަވަންސް ލިބެ އެވެ.