އެއް ފަހަރާ 18 ބިސް އަތަށް ލައިގެން ދުނިޔޭގެ ރިކޯޑެއް

އަތުގެ ނުފުށުން އެއް ފަހަރާ 18 ބިސް އުފުލައިގެން އީރާނުގެ މީހަކު ދުނިޔޭގެ ރިކޯޑެއް ހަދައި، ގިނިސް ވޯލްޑް ރިކޯޑް ފޮތުން ޖާގަ ހޯދައިފި އެވެ.

އެ ރިކޯޑް ހަދާފައި ވަނީ އިރާގުގައި ދިރިއުޅޭ އީރާނުގެ މީހެއް ކަމަށްވާ އިބްރާހިމް ސަދީގެވެ. އޭނާ ބުނި ގޮތުގައި އެ ރިކޯޑް ހަދަން ހަތަރު ހަފުތާ ވަންދެން ޕްރެކްޓިސް ކުރަން ޖެހުނެވެ.

"މި ކަހަލަ އުނދަގޫ ރިކޯޑެއް ހެދޭނީ ވަރަށް ބޮޑަށް ފޯކަސްކޮށްގެން،" ސަދީގު ބުންޏެވެ.

"އަތުގެ ނުފުށުގައި އެ ބިސްތައް ބެލެންސް ކުރި ގޮތުގެ ސިއްރެއް ބުނެދޭކަށް ނޭނގެ. އެކަމަކު، ވަރަށް ކެތްތެރިވެގެން، މަޑުމަޑުން އުޅެގެންވީ. ނޭވާލެވޭ ގޮތަށް ވެސް ވަރަށް ފަރުވާތެރިވާން ޖެހުނު."

ގިނިސް ވޯލްޑް ރިކޯޑްސްގައި އެ ރިކޯޑްގެ ގައިޑްލައިންގައި ބުނެފައި އޮންނަނީ އަތުގެ ނުފުށުން އެ ބިސްތައް މަދުވެގެން ފަސް ސިކުންތު ވަންދެން ވެއްޓުނަ ނުދީ ހިފަހައްޓަން ޖެހޭނެ ކަމަށެވެ.

ރިކޯޑް ފޮތުގައިވާ ގޮތުން، އަތުގެ ނުފުށުން އެއް ފަހަރާ 18 ބިސް އުފުލައިގެން ކުރިން އެ ރިކޯޑް ދެމެހެއްޓީ އިނގިރޭސިވިލާތުގެ މީހެއް ކަމަށްވާ ޖެކް ހެރިސް އެވެ. އޭނާ އެ ރިކޯޑް ހެދީ މެއި 2020 ގަ އެވެ.