އައިޓީބީގެ ޑިޖިޓަލް ބިޒްނަސް ޑޭގައި އެމްއެމްޕީއާރުސީން ބައިވެރިވެއްޖެ

އައިޓީބީގެ ޑިޖިޓަލް ބިޒްނަސް ޑޭގައި އެމްއެމްޕީއާރުސީން ބައިވެރިވެއްޖެ އެވެ.

އައިޓީބީ ބާލިން އަކީ ދުނިޔޭގެ ފެންވަރުގައި ބާއްވާ ޓޫރިޒަމްގެ އެންމެ ބޮޑު ޓްރޭޑް ޝޯ އެވެ. މި އަހަރުގެ އައިޓީބީ ވާޗުއަލް އިވެންޓުގެ ބައްދަލުވުންތައް ބާއްވާފައިވަނީ ފަސޭހަ ނެޓްވޯކިން ޓޫލްތަކާއި، އޯޑިއޯ މެސެޖިން ޓޫލްތައް މެދުވެރިކޮށެވެ.

މި ބައްދަލުވުމުގައި ދުނިޔޭގެ އެކި ގައުމުތަކުގެ ޓޫރިޒަމް ދާއިރާގެ ފަރާތްތަކާ އެމްއެމްޕީއާރުސީން ބައްދަލުކުރި އެވެ.

މި އިވެންޓުގައި ބައިވެރިންނަށް ވަނީ ސްޕީޑް ނެޓްވޯކިން ސެޝަންތަކުގައި ބައިވެރިވުމަށް ފުރުސަތު ފަހިކޮށްދީފަ އެވެ. މިއީ ބައިވެރިވާ ފަރާތްތަކުގެ ޕްރޮފައިލް އަދި ބިޒްނަސް އިންޓްރެސްޓްއަށް ބަލާ، އެންމެ ބޭނުންތެރިވާނެ ފަދަ ފަރާތްތަކާއި ބައްދުލުވުންތައް އޮޓަމެޓިކުން އިންތިޒާމްކޮށްދީފައިވާ ސެޝަންތަކެކެވެ.

އެެމްއެމްޕީއާރުސީން މި ހަރަކާތުގައި ބައިވެރިވެފައިވަނީ ޖަރުމަނު ވިލާތް، އަދި ދުނިޔޭގެ ޓޫރިޒަމް ދާއިރާގައި ހަރަކާތްތެރިވާ ފަރާތްތަކަށް ރާއްޖެ އަކީ ޓޫރިސްޓުން ދަތުރުކުރުމަށް އެންމެ ރައްކާތެރި އެއް މަންޒިލްގެ ގޮތުގައި އިޝްތިހާރުކުރުމަށް ކަމަށް އެއިދާރާއިން ބުންޏެވެ.

މި ހަރަކާތުގައި، ރާއްޖޭގެ ޓޫރިޒަމް ދާއިރާގެ އެންމެ ފަހުގެ ގައިޑްލައިންތަކާއި މައުލޫމާތު ވަނީ ބައްދަލުވުންތަކުގައި ބައިވެރިވި ފަރާތްތަކާ ހިއްސާކޮށްފަ އެވެ.