ޔުނިވާސަލްގެ އެއް ޑިރެކްޓަރު މުހައްމަދު މާހިރު އަވަހާރަވެއްޖެ

ޔުނިވާސަލް އެންޓަޕްރައިޒަސްގެ އެއް ހިއްސާދާރު މުހައްމަދު މާހިރު (މުހައްމައިދީ) މިއަދު އަވަހާރަވެއްޖެ އެވެ.

ރާއްޖޭގައި ރިސޯޓް ހިންގުމުގައި އެންމެ ކާމިޔާބު އެއް ކުންފުނީގެ އެއް ހިއްސާދާރު މުހައްމައިދީ އަވަހަރާވީ އާލާސްކަންފުޅަކަށް މެލޭޝިއާގައި ފަރުވާ ހޯއްދަވަމުން ގެންދަވަނިކޮށެވެ. އެނގިފައިވާ ގޮތުގައި މުހައްމައިދީ އާލާސްކަންފުޅާ އުޅުއްވާތާ ދުވަސްކޮޅެއް ވެއްޖެ އެވެ.

އުމުރުން 60 އަހަރުގެ އަހަރުތައް ގުނަމުންދިޔަ މުހައްމައިދީ އަކީ އިސްމާއިލް ނޫރައްދީނާއި މަރިޔަމް ނޫރައްދީނާއި އައިޝަތު ނޫރައްދީން އަދި ހަދީޖާ ނޫރައްދީނާ އެއްބަނޑު ބޭފުޅެކެވެ. މުހައްމައިދީގެ ބައްޕާފުޅަކީ އަބްދުލް މަޖީދު މާހިރެވެ.

އޭނާއަކީ ޔުނިވާސަލްގެ ޗެއާމަން މުހައްމަދު އުމަރު މަނިކަށް ބޮޑުބޭބެ ވިދާޅުވާ އަދި ޔުނިވާސަލްގެ ޑިރެކްޓަރު އަހްމަދު މާހިރު ދީދީ (އަހައްމައިދީ)ގެ އެއްބަނޑު އެއްބަފާ ބޭބެއެކެވެ. މާހިރަކީ ޔުނިވާސަލްގެ ޑިރެކްޓަރު އަލީ ނުރައްދީންގެ އެއްބަނޑު ބޭބެ އެވެ. މީގެ އިތުރުން ޔޫކޭގެ ހައި ކޮމިޝަނަރު ފަރަހަ ފައިސަލް އާއި ކުރީގެ ޑިފެންސް މިނިސްޓަރު އަމީން ފައިސަލްގެ އެއްބަފާ ބޭބެ އެވެ.