ބީއެމްއެލް މެސެޖް އެލާޓް ފޮނުވުމަށް ބަދަލެއް

ބީއެމްއެލް އިން މެސެޖް އެލާޓް ފޮނުވުމުގައި ބަދަލެއް ގެނެސްފި އެވެ.

ބީއެމްއެލް އިން ބުނީ މިއަދުން ފެށިގެން ޕްރޮމޯޝަނަލް މެސެޖާއި އެވެއާނަސް އަދި އަޕްޑޭޓްތަކުގެ މެސެޖުތައް ފޮނުވާނީ "ބީއެމްއެލް" ޖަހާފައިވާ އައިޑީއަކުންނެވެ. އަދި ބޭންކްގެ ޓްރާންސެކްޝަންތަކާއި އޯޓީޕީ މެސެޖްތައް ދާނީ 455 ނަންބަރުން ކަމަށް ވެސް ބުންޏެވެ.

ބީއެމްއެލް އިން މީގެ ކުރިން ފޮނުވާ ހުރިހާ އެސްއެމްއެސް މެސެޖުތަކެއް ފޮނުވަނީ 455 ނަންބަރުންނެވެ. މި ބަދަލު ގެންނައީ ކަސްޓަމަރުންނަށް ވީހާވެސް ފަސޭހަކޮށްދިނުމަށް ކަމަށް ބޭންކުން ބުންޏެވެ.

ބީއެމްއެލް އިން އަންނަނީ، އޮޅުވާލައިގެން ފައިސާ ހޯދަން ބޭންކުގެ ނަމުގައި އާ އުކުޅުތަކެއް ސްކޭމަރުން ބޭނުންކުރާތީ އެކަމަށް ސަމާލުވާން އެދިފަ އެވެ.

މިހާރަކަށް އައިސް އެ ބޭންކާއި އެނޫން ވެސް އިދާރާތަކުގެ ނަމުގައި އެކައުންޓާއި ކާޑުގެ މައުލޫމާތު ހޯދުމަށާއި އެކައުންޓުގައި ހުރި ފައިސާ އެހެން އެކައުންޓަކަށް ޖަމާކުރުމަށް އެދި މަކަރާއި ހީލަތުން ފައިސާ ހޯދުމަށް އާންމުންނަށް ގުޅަމުންދެ އެވެ.

އަދި ބޮޑެތި އަދަދުތަކުން ފައިސާ ލިބޭނެ ކަމަށް ބުނާ އެސްއެމްއެސްތަކެއް ވެސް އަންނަނީ ދައުރުވަމުންނެވެ. އެފަދަ މެސެޖުތަކުގައި ހުންނަ ލިކްތްތަކަށް ނުފިތުމަށް ބޭންކުން މީގެ ކުރިން ވެސް ވަނީ އިލްތިމާސްކޮށްފަ އެވެ.