24 އޯގަސްޓް 2023
ހަތަރު ކިލޯގެ ރަން ރާއްޖެއަށް ވަގަށް އެތެރެކުރި ދެ މީހަކު ޖޫރިމަނާކޮށް، އެ ރަންތައް ދައުލަތަށް ނަގަން ކްރިމިނަލް ކޯޓުން އިއްޔެ ހުކުމްކޮށްފި އެވެ.
ހަތަރު ކިލޯގެ ރަން ރާއްޖެއަށް ވަގަށް އެތެރެކުރި ދެ މީހަކު ޖޫރިމަނާކޮށް، އެ ރަންތައް ދައުލަތަށް ނަގަން ކްރިމިނަލް ކޯޓުން އިއްޔެ ހުކުމްކޮށްފި އެވެ.
އިންޑިއާގެ ދެ މީހެއްގެ މައްޗަށް އެ ހުކުމް އައީ މިދިޔަ ޖުލައި މަހު ވައިގެ މަގުން އެ މީހުން ރާއްޖެ އައިއިރު ލައިގެން ތިބި ޖަންގިޔާ ތެރޭގައި ފޮރުވައިގެން ހަތަރު ކިލޯއަށް ވުރެ ގިނަ ރަން ޑިކްލިއާ ނުކޮށް ވަގަށް އެތެރެކުރަން އުޅުމުންނެވެ.
ކަސްޓަމްސްގެ ގާނޫނުގެ ދަށުން ދައުލަތުން އުފުލި ސިއްރުން މުދާ އެތެރެކުރަން އުޅުމުގެ ދައުވާއަށް އެ ދެ މީހުން ކޯޓުގައި އެއްބަސްވި އެވެ. ދައުލަތާ އެކު އެ މީހުން ހެދި އިއުތިރާފް އެއްބަސްވުމުގެ ދަށުން އެއިން ކޮންމެ މީހަކަށް އިއްވީ 80،000ރ. އެވެ. އަދި އެ ރަންތައް ދައުލަތަށް ނެގުމަށް އަމުރުކުރި އެވެ.
އެހެންވެ، ޖޫރިމަނާ ފައިސާ ފަސް މަސް ތެރޭގައި ދައްކަން ހުކުމުގައި އެންގި އެވެ.
ވަގަށް ރަން އެތެރެކުރަން އުޅުމުގެ މައްސަލަތަކުގައި މީގެކުރިން ވެސް ބައެއް ބިދޭސީން ޖޫރިމަނާކޮށް، ރަންތައް ދައުލަތަށް ނަގަން އަމުރު ކޮށްފައިވެ އެވެ.
ފަސް މިލިއަންގެ ޑްރަގް އަތުލައިގަނެ، ބަޔަކު ހައްޔަރު
80 ބްލެޓް ދިރުވާލި މީހަކު 12 އަހަރަށް ޖަލަށް
ޑްރަގާ ހަވާލުވާ މީހުން ހޯދަން އެހީނުވެ ހޯދީ ވަކީލެއް
ދޮޅުލައްކަ ރުފިޔާގެ މުދާ އޮޅުވާލައިގެން ހޯދުމުން ޖަލަށް
މާރާމާރީއެއްގެ ވީޑިއޯ ގެއްލި، އެންމެން ސަލާމަތްވެއްޖެ
ވަގަށް ނެގި އަގުބޮޑު ގަޑިއެއް ވިއްކި މީހަކު ޖަލަށް
މިލިއަނަކަށް ވުރެ ގިނަ ރުފިޔާ ފޭރުނު މީހަކު ޖަލަށް
އެއާޕޯޓްގައި މާރާމާރީ ހިންގި މީހާއަށް ޖޫރިމަނާގެ އަދަބު
ރަހީނުކޮށް، ފޭރުނު މައްސަލައެއްގައި ދެ މީހަކު ހައްޔަރު
ފުލުހުން ހޯދި ފޯނެއްގައި ގިނަ ބައެއްގެ ބަރަހަނާ ފޮޓޯ