ފަލަސްތީނާއި އިޒްރޭލްގެ ދިދަ ދަނޑަށް ވެއްދުން ޕްރިމިއާ ލީގުން މަނާކުރަނީ

ލަންޑަން (އޮކްޓޯބަރު 19) - ފަލަސްތީނާއި އިޒްރޭލްގެ ދިދަ ވެސް ދަނޑަށް ވެއްދުން މަނާ ކުރުމަށް އިނގިރޭސި ޕްރިމިއާ ލީގުން ވިސްނަން ފަށައިފި އެވެ.

ޕްރިމިއާ ލީގުން ބުނީ އެގޮތަށް ކްލަބްތަކަށް ލަފާދޭނެ ކަމަެވެ. އެ ލީހުން ބުނީ އެގޮތަށް ނިންމީ ސަލާމަތީ އިދާރާތަކާއި އިނގިރޭސިވިލާތުގެ ޔަހޫދީންގެ ގުރޫޕްތަކާ މަޝްވަރާ ކުރުމަށް ފަހު ކަމަށެވެ.

ޓޮޓެންހަމް ހޮޓްސްޕާސްއިން މިހާރު ވެސް ވަނީ މި ފިޔަވަޅު އަޅައިފަ އެވެ. އަންގާރަ ދުވަހުގެ ރޭ އިޓަލީ އާ ދެކޮޅަށް އިންގްލެންޑް ކުޅުނު މެޗުގައި ވެސް އިނގިރޭސި އެފްއޭއިން ވަނީ ދެ ޓީމުގެ ދިދަ ފިޔަވައި އެހެން ދިދައެއް ރަމްޒުވާ ދިދައެއް ދަނޑަށް ނުވެއްދެ ގޮތަށް ފިޔަވަޅު އަޅައިފަ އެވެ.

އިޒްރޭލުން ފަލަސްތީނަށް 2021 ގައި ދިން ހަމަލާތަކުގައި މުސްލިމް ކުޅުންތެރިންގެ އިތުރުން ބައެއް އެހެން ސަޕޯޓަރުން ވެސް ވަނީ ދަނޑަށް ފަލަސްތީނުގެ ދިދަ ވައްދައިފަ އެވެ.

އިޒްރޭލުން ފަލަސްތީނަށް 2021 ގައި ދިން ހަމަލާތަކުގައި މުސްލިމް ކުޅުންތެރިންގެ އިތުރުން ބައެއް އެހެން ސަޕޯޓަރުން ވެސް ވަނީ ދަނޑަށް ފަލަސްތީނުގެ ދިދަ ވައްދައިފަ އެވެ. ސޯޝަލް މީޑިއާގައި ބައެއް ފަރާތްތަކުން ބުނެފައި ވަނީ އިޒްރޭލާއި ފަލަސްތީނުގެ ދިދަ ނުވެއްދޭ ގޮތަށް ނިންމީ، ފަލަސްތީނުގެ ދިދަ ދަނޑަށް ވައްދާފާނެތީ ކަމަށެވެ.

ރަޝިއާ އިން ޔޫކްރޭނާ ދެކޮޅަށް ހަނގުރާމަ ކުރުމުން އިނގިރޭސި ޕްރިމިއާ ލީގާއި ޔޫރަޕްގެ އެހެން ލީގުތަކުން ޔޫކްރޭނަށް ތާއިދު ކުރުމަށް ރަސްމީކޮށް ނިންމި އެވެ. އަދި އެ ގައުމުގެ ދިދަ ވެސް މެޗު ބްރޮޑްކާސްޓްކުރާ އިރު ބޭނުން ކުރަން ނިންމައިފަ އެވެ.