އަހަރު ނިންމާ ސޭލް އެސްޓީއޯ އިން ފަށައިފި، 80 ޕަސެންޓާ ހަމައަށް ޑިސްކައުންޓް

އެސްޓީއޯ އިން ކޮންމެ އަހަރެއްގެ ފަހު ކޮޅު ބާއްވާ "އިޔަ އެންޑް ސޭލް" އިއްޔެ ފަށައިފި އެވެ.

އަހަރު ނިންމާ ސޭލް ރަސްމީކޮށް ފައްޓަވައި ދެއްވީ އެސްޓީއޯގެ ޖެނެރަލް މެނޭޖަރު މަރިޔަމް ފަރުވީން އަބްދުލް ފައްޔާހެވެ.

އެސްޓީއޯ ޕީޕަލް ޗޮއިސްގައި ފެށި އެ ސޭލް އޮންނަނީ އަންނަ ޑިސެމްބަރު 15 ވަނަ ދުވަހުގެ ނިޔަލަށެވެ. ޕީޕަލް ޗޮއިސްގެ އިތުރުން އެކި ސަރަހައްދުތަކުގައި އެސްޓީއޯ އިން ހުޅުވާފައިވާ ފިހާރަތަކުގައި ވެސް ސޭލް ކުރިއަށް ގެންދާނެ އެވެ.

އެސްޓީއޯ އިން ބުނީ، ސޭލްގެ މުއްދަތުގައި ކަނޑައަޅާފައިވާ ބައެއް މުދަލުން 80 ޕަސެންޓާ ހަމައަށް ޑިސްކައުންޓް ދޭނެ ކަމަށެވެ. ބަންޑުލް އޮފާތައް ވެސް ލިބޭނެ އެވެ.

އެސްޓީއޯގެ މި އަހަރުގެ ސޭލްގައި ވެސް އެ ފިހާރަ އިން ވިއްކާ ހުރިހާ ސާމާނަކުންހެން ޑިސްކައުންޓް ލިބޭނެ އެވެ.