30 ޑިސެމްބަރ 2023
އިޒްރޭލުގެ މޮސާޑް ޖާސޫސީ އެޖެންޓުންނާ ގުޅުން ބާއްވައި އެ މީހުންނަށް އެހީވާ ކަމުގެ ތުހުމަތުގައި އީރާނުން އިއްޔެ ހަތަރު މީހަކަށް މަރުގެ އަދަބު ދީފި އެވެ.
އިޒްރޭލުގެ މޮސާޑް ޖާސޫސީ އެޖެންޓުންނާ ގުޅުން ބާއްވައި އެ މީހުންނަށް އެހީވާ ކަމުގެ ތުހުމަތުގައި އީރާނުން އިއްޔެ ހަތަރު މީހަކަށް މަރުގެ އަދަބު ދީފި އެވެ.
އީރާންގެ ޖުޑީޝަރީއާ ގުޅުން އޮންނަ "މީޒާން" ނިއުސް އެޖެންސީން ބުނީ އަންހެނަކު ވެސް ހިމެނޭހެން ހަތަރު މީހަކު މަރާލީ ޝަރުއީ މަރުހަލާތައް ފުރިހަމަކޮށްފައި ކަމަށެވެ. މިއާ އެކު، އީރާންގެ ނިއުކްލިއާ ޕްރޮގްރާމަށް ހުރަސް އަޅަން އިޒްރޭލުގެ ޖާސޫސުން ކުރާ މަސައްކަތުގައި އެހީވާ ކަމުގެ ތުހުމަތަށް މި މަހު އީރާނުން މެރި އަދަދު ވަނި ފަހަކަށް އަރައިފަ އެވެ.
މި މަރުތަކުގެ ހަބަރު އީރާނުން ރަސްމީކޮށް ތެދެއް ވެސް އަދި ދޮގެއް ވެސް ނުކުރެ އެވެ.
"ޒަޔަނިސްޓް ދައުލަތާ ގުޅުން އޮތް، އީރާންގެ ނިއުކްލިއާ ޕްރޮގްރާމަށް ގެއްލުން ދޭން މަސައްކަތްކުރާ ޓީމެއްގެ ހަތަރު މީހެއްގެ މައްޗަށް މިއަދު ވަނީ، ޝަރުއީ މަރުހަލާތައް ފުރިހަމަކުރުމަށް ފަހު މަރުގެ ހުކުމް ތަންފީޒުކޮށްފައި،" މީޒާން ނިއުސް އެޖެންސީން ބުންޏެވެ.
އެތަނުން ބުނީ މި މީހުންނަކީ އިޒްރޭލަށް ވަރަށް ބޮޑަށް އެހީތެރިވެފައިވާ މީހުން ކަމަށެވެ. މިކަމުގެ ހެކީގެ ގޮތުގައި އެ މީހުން އެކަމަށް އިއުތިރާފްވެ ވާހަކަ ދައްކަނިކޮށް ރެކޯޑްކޮށްފައިވާ އަށް މިނެޓްގެ ވީޑިއޯއެއް ދެއްކި އެވެ.
އެހެން ނިއުސް އެޖެންސީއަކުން ބުނީ މި މައްސަލައިގައި ތުހުމަތުވާ 10 މީހަކު އެބަތިބި ކަމަށެވެ. މީގެ ތެރެއިން މިހާރު ނުމަރާ ތިބި މީހުންނަށް ވެސް މަރުގެ ހުކުމް ތަންފީޒުކުރާނެ ކަމެއް ނުވަތަ ނޫން ކަމެއް އަދި ނޭނގެ އެވެ. -- ރޮއިޓާސް
އިޒްރޭލަށް ޖާސޫސްކޮށްދިން ބަޔަކު އީރާންގައި މަރާލައިފި
އިޒްރޭލުގެ ވެރިން މަރަންއުޅުނު އިޒްރޭލު މީހަކު ހައްޔަރު
އީރާންގައި 400 މީހަކަށް މަރުގެ ހުކުމް ތަންފީޒުކޮށްފި
ހަނިއްޔާ އަވަހާރަކޮށްލީ ކުރުރާސްތާ މިސައިލަކުން: އީރާން
ހަނިއްޔާ އަވަހާރަކޮށްލީ މާކުރިން ހަރުކުރި ބޮމަކުން
ޓެރަރިޒަމްގެ ކުށުގައި 43 މީހަކު އުމުރަށް ޖަލަށް
އިޒްރޭލުގެ އިންޒާރަށް ފަހު އީރާނަށް ހަމަލާތަކެއް
އިޒްރޭލަށް ހަމަލާދިނުމުން އީރާނަށް ފިޔަވަޅު އަޅަނީ
ހަމަލާ ދީފައި އީރާނަށް ސަލާމަތެއް ނުވެވޭނެ: އިޒްރޭލް
ހަމަލާދީފާނެތީ އީރާންގެ ނިއުކްލިއާ ފެސިލިޓީ ބަންދުކޮށްފި