ބޮމެއް އޮތް ކަމަށް ބުނެ ބިރުދެއްކި މީހަކު ހަނިމާދޫ އެއާޕޯޓުން ހިފަހައްޓައިފި

ބޮމެއް އޮތް ކަމަށް ބުނެ ބިރުދެއްކި މީހަކު ހަނިމާދޫ އެއާޕޯޓުން މިއަދު ފުލުހުންގެ ބެލުމުގެ ދަށަށް ގެންގޮސްފި އެވެ.

ފުލުހުން ބުނީ މި މައްސަލައިގައި ފުލުހުންގެ ބެލުމުގެ ދަށަށް ގެންދިޔައީ ދިވެހި ފިރިހެނެއް ކަމަށެވެ. އިތުރު ތަފްސީލެއް ނުދެ އެވެ.

ފުލުހުން ބުނީ މި މައްސަލަ މިހާރު ތަހުގީގުކުރަމުން އަންނަ ކަމަށެވެ.

މީގެ ކުރިން ވެސް އެއާޕޯޓްތަކުން ވަނީ މިފަދަ މައްސަލަތަކުގައި މީހުން ހިފަހައްޓައި ތަހުގީގުކޮށްފަ އެވެ. އެކަމަކު މީގެ މައްސަލައެއްގައި މިހާތަނަށް މީހަކަށް ދައުވާކުރި ކަމެއް އެނގިފައެއް ނެތެވެ.