ނުވަ ގައުމަކަށް ރައީސް ސަފީރުން އައްޔަންކުރައްވައިފި

ބޭރުގެ ޖަމިއްޔާތަކާއި ގައުމުތަކަށް ރައީސް ޑރ. މުހައްމަދު މުއިއްޒު ނުވަ ސަފީރުން މިއަދު އައްޔަންކުރައްވައިފި އެވެ.

ރައީސް އޮފީހުގެ ވެބްސައިޓުގައި ބުނީ ހަ ގައުމަކާއި ތިން ޖަމިއްޔާއަކަށް ރައީސް ސަފީރުން ހަމަޖައްސާފައިވާ ކަމަށެވެ. އެއީ؛

- ޔުނައިޓެޑް އަރަބް އެމިރޭޓްސްގެ ސަފީރަކަށް މ. ކޮތަންމާގެ، މުހައްމަދު ހުސައިން ޝަރީފު (މުންދު)

- އިނގިރޭސިވިލާތުގެ ސަފީރަކަށް ހ. އޯކިޑް، ޑރ. އިރުތިޝާމް އާދަމް

- ޗައިނާގެ ސަފީރުކަމަށް، މ. ފަށަލަ، ޑރ. ފަޒީލް ނަޖީބު

- މެލޭޝިޔާގެ ސަފީރަކަށް މ. ރުއްފުށި، ޑރ. މަރްޔަމް ޝަބީނާ އަހުމަދު

- ސްރީލަންކާގެ ސަފީރަކަށް، މ. ތުޅާގިރި، މަސްއޫދު އިމާދު

- ސިންގަޕޫރުގެ ސަފީރުކަމަށް މއ. ދިލާސާގެ، މުހައްމަދު ލުވޭޒު

- ޔޫއެންގެ ރާއްޖޭގެ ސަފީރަކަށް ޑރ. އަލީ ނަސީރު މުހައްމަދު (އަލިނީ)

- ބެލްޖިއަމްއަށާއި ޔޫރަޕިއަން ޔޫނިއަންގެ ސަފީރަކަށް، މ. ގީލާވިލާ، ގީލާ އަލީ

- ޖެނީވާގައި ހުންނަވާ ދާއިމީ މަންދޫބަކަށް އައްޔަނުކުރައްވާ މ. ވިލާދަށުގެ، ޑރ. ސަލްމާ ރަޝީދު

ސަފީރުންގެ ނަންތައް ފާސްކޮށްފައި ވަނީ ރުހުން ދިނުން ކޮމިޓީ މަރުހަލާގައި ދިގުދެންމުމަށް ފަހު އެވެ.