29 މެއި 2024
މިދިޔަ ހުކުރު ދުވަހު ސޯޝަލް މީޑިއާގައި އާންމުވީ ކުޑަ އަންހެން ކުއްޖަކު ހިޔާ ޓަވަރެއްގެ ކުޑަދޮރުން ފައިބާ މަންޒަރު ފެންނަ ވީޑިއޯއެކެވެ. ކުއްޖާ ފައިބަނީ ހިޔާ ޓަވަރެއްގެ ފުރަތަމަ ފަންގިފިލާގެ ކުޑަދޮރަކުންނެވެ.
މިދިޔަ ހުކުރު ދުވަހު ސޯޝަލް މީޑިއާގައި އާންމުވީ ކުޑަ އަންހެން ކުއްޖަކު ހިޔާ ޓަވަރެއްގެ ކުޑަދޮރުން ފައިބާ މަންޒަރު ފެންނަ ވީޑިއޯއެކެވެ. ކުއްޖާ ފައިބަނީ ހިޔާ ޓަވަރެއްގެ ފުރަތަމަ ފަންގިފިލާގެ ކުޑަދޮރަކުންނެވެ.
ހިޔާ 16 ވަނަ ޓަވަރުގައި ގާތްގަނޑަކަށް 10 ފޫޓަށް ހުންނަ ފުރަތަމަ ފަންގިފިލާގެ ކުޑަދޮރުން ފައިބައިގެން ހިނގާފައި ގޮސް އެ ކުއްޖާ ސިޑިގޮޅިއަށް އަރައި އެތަނަށް ފައިބާތަން ވެސް އެ ވީޑިއޯއިން ފެނެ އެވެ. އެ ޝީޓުމަތިން އެގޮތަށް ފޭބެން އިންނަނީ ހިޔާ ފްލެޓްތަކުގެ ފުރަތަމަ ފްލޯގައި އެކަންޏެވެ.
ފުލުހުން މައުލޫމާތު ދީފައިވާ ގޮތުގައި އެއީ އެންމެ 9 އަހަރުގެ ކުއްޖެކެވެ. ރަތް ކުލަ ލާފައި ހުރި ފްލެޓެއްގެ ފުރަތަމަ ފްލޯގެ ކުޑަދޮރުން އެ ކުއްޖާ ފައިބާ މަންޒަރު އާއްމުވުމުން ގިނަ ބަޔަކު ދަނީ ކަންބޮޑުވުން ފާޅުކުރަމުންނެވެ. ނުރައްކާކޮށް ހުރި ތަނަކުން، އެގޮތަށް ފޭބުމަކީ އެ ކުއްޖާ އަށް ވަރަށް ބޮޑު އަނިޔާއެއް ލިބިދާނެ ކަމަށް ކަމަށް ބައެއް މީހުން ބުނެފައިވެ އެވެ.
މައުލޫމާތު އެނގޭ މީހަކު "މިހާރު" އަށް ބުނީ މިއީ އެ ކުއްޖާ ކުޑަދޮރުން ފައިބައިގެން އުޅުނު ފުރަތަމަ ފަހަރު ނޫން ކަމަށެވެ. މީގެ ކުރިން ވެސް ދެފަހަރަކު އެ ކުއްޖާ ކުޑަދޮރުން ފައިބައިގެން، ގެއްލިގެން އުޅުނު ކަމަށް ވެސް އޭނާ ބުންޏެވެ.
"އެއްފަހަރު ގެއްލިގެން ހޯދަމުން ދަނިކޮށް ފެނުނީ ފޭސް 1ގައި ހުއްޓާ،" އޭނާ ބުންޏެވެ.
ކުޑަދޮރުން ޝީޓު މައްޗަށް އަރައި ސިޑިގޮޅިއަށް ފޭބޭ ގޮތަށް ހިޔާ ފްލެޓުގައި ހުންނަނީ ފުރަތަމަ ފްލޯގައި އެކަނި. -- ފޮޓޯ | ފަޔާޒް މޫސާ
އެ ކުއްޖާގެ މަންމަ އާއި ބައްޕަ ވަރިވުމުން ކުއްޖާ އުޅެމުން ދަނީ މަންމަ ކައިރީ އެވެ. ނަމަވެސް މަންމަ އެ ކުއްޖާއަށް އަޅާނުލާ ކަމަށް ކުރިން ވާހަކަ ދެއްކި މީހާ ބުންޏެވެ.
އެނގިފައިވާ ގޮތުގައި އެ ކުއްޖާ އެގޮތަށް ގެއިން ނުކުންނާތީ، ޕޮލިހުން ވަނީ މީގެ ކުރިން ވެސް އެ ކުއްޖާގެ މައްސަލަ ޖެންޑާ މިނިސްޓްރީގެ ސަމާލުކަމަށް ގެނެސްފަ އެވެ. އެ މިނިސްޓްރީން ވެސް އަންނަނީ އެ ކުއްޖާގެ ކަންކަން ބަލަމުން ކަން އެނގިފައިވެ އެވެ.
ޖެންޑާ މިނިސްޓްރީން ބުނީ އެ ކުއްޖާގެ އާއިލާއާ ގުޅިގެން އެ މައްސަލާގައި ވާހަކަ ދައްކަމުންދާ ކަމަށެވެ. އެއީ ކުޑަ ކުއްޖަކާ ގުޅޭ މައްސަލައަކަށް ވުމުން އިތުރު މައުލޫމާތު ހާމައެއް ނުކުރެ އެވެ.
އެޗްޑީސީގެ ކަސްޓަމާ ޑޭޓާތަކެއް ހެކް ކުރި މައްސަލައެއް
ހިޔާ ފްލެޓުގައި ކުއްޖަކަށް އަނިޔާކުރި މައްސަލަ ބަލަނީ
އެޕާޓްމަންޓުން ފޭރޭ ގްރޫޕްގެ ވަނަވަރު އާއްމުކޮށްފި
ހިޔާގެ ކުޑަދޮރަކުން ކުއްޖަކު ބޭރަށް ފައިބާ ވީޑިއޯއެއް!
16 އަހަރުގައި 484 މައްސަލަ: ޒިންމާވާނީ ކާކު؟
ހިޔާ ފްލެޓުގައި ހަމަލާދިނީ އާއިލީ މައްސަލައަކާ ހެދި
ހިޔާ ފްލެޓެއްގައި މީހަކަށް ތޫނު އެއްޗެހިން ހަމަލާ ދީފި
12 ވަނަ ފްލޯ އިން ވެއްޓުނު ކުއްޖާ ނިޔާވެއްޖެ
ފަޒްނާ އަށް ހިޔާ ފްލެޓް ސަރަހައްދުން ފުރައްސާރަކޮށްފި
ބެލްކަނީގައި ކުއްޖަކު ތަޅުލި މައްސަލަ ބަލަން ފަށައިފި