އެކްޒީމާ ހުންނަ ކުދިން ޕެޓް ގެންގުޅުން ރަނގަޅު ވާނެތަ؟

މިހާރަކަށް އައިސް ކޮންމެ ގެއެއްގައި ވެސް ބުޅަލެއް ނުވަތަ ދޫންޏެއް ނުގެންގުޅޭ ގެއެއް ވަރަށް މަދެވެ. ނަމަވެސް އަހަރެމެންގެ ތެރޭގައި ހާއްސަކޮށް ކުޑަކުދިންގެ ހަމުގެ ބައްޔެއް ކަމަށްވާ އެކްޒީމާ ހުންނަ ކުދިން ވަރަށް ބައިވަރު އުޅެ އެވެ.

މިފަދަ ކުދިންނަށް ބުޅާ ފަދަ ތަކެތި ގެންގުޅުމުން އެ ކުދިންނަށް އެއްވެސް ކަހަލަ ނުރައްކަލެއް ވެދާނެތޯ މިއީ އުފެދޭ ސުވާލެކެވެ.

އާންމުކޮށް އަހަރެމެންގެ ތެރޭގައި މި ގެންގުޅެނީ ބުޅަލެވެ. ބުޅަލަކީ އޭގެ ސަބަބުން އެކްޒީމާ ޖެހިދާނެ ކަމުގެ ހެއްކެއް އަދި ފެނިފައި ނުވާ ޖަނަވާރެއް ކަމަށް ވިޔަސް އެކްޒީމާ ހުންނަ ކުދިންގެ ހަންގަނޑަށާއި ނޭވާލުމުގެ ނިޒާމުން އަލާމާތްތައް ފެންނަން ފަށާނެ އެވެ.

ނަމަވެސް 2016 ވަނަ އަހަރު ކުރި ދިރާސާއަކުން ދައްކާ ގޮތުގައި ގޭގައި ބުޅާ ގެންގުޅުމުން އެކްޒީމާ ޖެހުމުގެ ފުރުސަތު ބޮޑު ވެ އެވެ.

ގޭގައި ޕެޓެއް ގެންގުޅޭ ނަމަ ވިސްނާލަންވީ ކަންކަން

- ގޭގައި ގެންގުޅޭ ޖަނަވާރުގެ ކުންޏާއި އެ އެއްޗިހި ނިދަން ގެންގުޅޭ އެނދާއި އަދި ކުޅޭ އެއްޗިހި ކުދިން ދުރުކުރުން.

- ގޭގައި ގެންގުޅޭ ޖަނަވާރުގެ ގައިގައި އަތްލުމުން ކުދިންގެ އަތް ރަނގަޅަށް ދޮވެ ސާފުކޮށް ބެހެއްޓުން.

- ގޭގައި ގެންގުޅޭ ޖަނަވާރު ނިދާ ތަން ކުދިންގެ ނިދާ ކޮޓަރިއާ ވީހާ ވެސް ދުރެއްގައި ބެހެއްޓުން.

- ގޭތެރެ ގަވައިދުން ވެކިއުމްކޮށް ޑީޕް ކްލީންކުރުން.

- އެކްޒީމާ ހުންނަ ކުއްޖެއް ނަމަ ގަވައިދުން ޗެކަޕް ހެދުން.

ޕެޓެއް ގެންގުޅެން ބޭނުންވާ ނަމަ މި ހުރިހާ ކަމަކަށް ވިސްނާލުން ވަރަށް މުހިއްމު ވާނެ އެވެ.

މިއީ "ހެލްތުލައިން" ވެބްސައިޓުގައި ލިޔެފައިވާ ލިޔުމެއްގެ ތަރުޖަމާއެވެ.