ޖޭއެސްސީގެ ރައީސް ކަމަށް މެމްބަރު ރިޒާ އިންތިހާބުކޮށްފި

ޖުޑީޝަލް ސާވިސް ކޮމިޝަން (ޖޭއެސްސީ) ގެ ރައީސަކަށް ރައްޔިތުންގެ މަޖިލީހުގެ މާފުށީ ދާއިރާގެ މެމްބަރު ހުސައިން ރިޒާ އިންތިހާބުކޮށްފި އެވެ.

މެމްބަރު ރިޒާއަކީ މަޖިލީހުގެ މެމްބަރުންގެ ތެރެއިން ޖޭއެސްސީއަށް ކަނޑައަޅާފައި ހުންނަވާ މެމްބަރެވެ.

ޖޭއެސްސީން ބުނި ގޮތުގައި މެމްބަރު ރިޒާ އެ ކޮމިޝަންގެ ރައީސް ކަމަށް އިންތިހާބުކުރީ މިއަދެވެ.

ޖޭއެސްސީގެ ރައީސާއި ނައިބު ރައީސް އިންތިހާބު ކުރާނީ އެ ކޮމިޝަންގެ މެމްބަރުންގެ މެދުގައި ނެގޭ ވޯޓަކުންނެވެ. ޖޭއެސްސީގެ ރައީސްގެ މަގާމުގައި ކުރިން ހުންނެވީ މަޖިލީހުން އެ ކޮމިޝަނަށް ކުރިން ކަނޑައަޅާފައި ހުންނެވި ތުޅާދޫ ދާއިރާގެ އޭރުގެ މެމްބަރު ހިސާން ހުސައިނެވެ.

ޖޭއެސްސީގެ ރައީސް ކަމަށް މިއަދު އިންތިހާބުކުރި މެމްބަރު ރިޒާއަކީ ކުރިން ކްރިމިނަލް ކޯޓުގެ އެޑްމިިނިސްޓްރޭޓާގެ މަގާމް ވެސް އަދާކުރެއްވި ބޭފުޅެކެވެ.