01 އޯގަސްޓް 2024
ހުޅުމާލެ ފޭސް 2 ގައި އިއްޔެ ހިނގި ނުރައްކާތެރި އެކްސިޑެންޓުގައި އަނިޔާވި މީހާގެ ހާލު ސީރިއަސް ކަމަށް ޕޮލިހުން ބުނެފި އެވެ.
ހުޅުމާލެ ފޭސް 2 ގައި އިއްޔެ ހިނގި ނުރައްކާތެރި އެކްސިޑެންޓުގައި އަނިޔާވި މީހާގެ ހާލު ސީރިއަސް ކަމަށް ޕޮލިހުން ބުނެފި އެވެ.
ވިނަރެސް ފްލެޓުތަތަކުގެ ކައިރިން ބާރު ސްޕީޑުގައި ދުއްވި ސްޕޯޓްސް ކާރެއް ކޮންޓްރޯލުން ނެއްޓި، މަގުގެ އެއް ފަރާތުގައި ސައިކަލެއްގައި މަޑުކޮށްގެން އިން އެ މީހާގެ ގައިގައި ޖެހި، ހިނގި އެކްސިޑެންޓްގައި އެ މީހާއަށް ވަނީ އަނިޔާވެފަ އެވެ. އެ ސައިކަލުގައި ކާރުން ޖެހުނުލެއް ބާރުކަމުން އޭނާ ވެއްޓެނީ ވިއްސައިގެން ގޮސް އެނބުރެމުން ގޮހެވެ. ސައިކަލްގެ މަޑިއާ އާއި އެކި ބައިތައް ވެސް މާ ދުރަށް ބުރައިގެން ދިޔަ މަންޒަރު، ސޯޝަލް މީޑިއާގައި އާންމުވި އެ އެކްސިޑެންޓުގެ ސީސީޓީވީ ފުޓޭޖުން ފެނެ އެވެ.
އޭނާއަށް ހުޅުމާލެ ހޮސްޕިޓަލުގައި ފަރުވާ ދިނުމަށްފަހު އިއްޔެ ވަނީ އިތުރު ފަރުވާއަށް އައިޖީއެމްއެޗަށް ބަދަލުކޮށްފަ އެވެ. އައިޖީއެމްއެޗުން ރޭ ބުނެފައިވަނީ އޭނަގެ ހާލު ސްޓޭބަލް ކަމަށާއި ވޯޑަށް ބަދަލުކޮށްފައިވާ ކަމަށެވެ.
ހުޅުމާލޭގައި ހިނގި އެކްސިޑެންޓުގައި ކާރަށް ބޮޑެތި ގެއްލުންތަކެއް ލިބިފައި. -- ފޮޓޯ: ފަޔާޒް މޫސާ | މިހާރު
ނަމަވެސް އެ މައްސަލާގައި ހައްޔަރުކުރި ދެ މީހެއްގެ ބަންދާ މެދު ގޮތެއް ނިންމުމަށް ކްރިމިނަލް ކޯޓަށް ހުށަހެޅުމަށްފަހު، ކޯޓުގައި ފުލުހުން ބުނެފައިވަނީ އަނިޔާ ލިބުނު މީހާގެ ކަނދުރާ އާއި މައިބަދައިގައި ރެނދުލުމުގެ އިތުރުން، ބޯ ފަޅައިގެން ގޮސްފައިވާތީ އޭނަގެ ހާލު ސީރިއަސް ކަމަށެވެ.
އެ އެކްސިޑެންޓާ ގުޅިގެން ހައްޔަރުކުރީ ހ. ނޫރަންމާގެއާގޭ އިކްރާމުއްރަހުމާނާއި މ. ލޭންޑްއޮފްގާޑަން އިބްރާހިމް އިކްރާމް އަދި ގއ. ކަނޑުހުޅުދޫ އާޒާދުގޭ ޖިނާހް އިސްމާއިލެވެ. އެއީ އެކްސިޑެންޓްވިއިރު، ކާރުގައި ތިބި މީހުންނެވެ.
އޭގެ ތެރެއިން އިކްރާމުއްރަހްމާނާއި އިބްރާހިމް އިކްރާމްގެ ޝަރީއަތް ނިމެންދެން ބަންދުގައި ބަހައްޓަން ކްރިމިނަލް ކޯޓުން ވަނީ އަމުރުކޮށްފަ އެވެ. ޖިނާހް ގެންދިޔައީ ހުޅުމާލެ ކޯޓަށެވެ. އެ ކޯޓުން ނިންމީ އޭނާ 15 ދުވަހަށް ބަންދު ކުރުމަށެވެ.
އެކްސިޑެންޓުގައި އަނިޔާވި މީހާ ވެންޓިލޭޓަރުގައި
އެކްސިޑެންޓާ ގުޅިގެން ތިން މީހަކު ހައްޔަރުކޮށްފި
އެކްސިޑެންޓުވި ކާރު ދުއްވި މީހާ ހައްޔަރުކޮށްފި
އެކްސިޑެންޓުގައި އަނިޔާވި މީހާގެ ހާލު ސްޓޭބަލް
ހުޅުމާލޭގައި ދެ އެކްސިޑެންޓެއް، އެކަކުގެ ހާލު ސީރިއަސް
ހުޅުމާލޭގައި ކާރެއް ފުރޮޅާލައި އެކްސިޑެންޓެއް ހިނގައިފި
ރޭސިން ސައިކަލެއްގައި ޖެހި މީހަކު "މަރަށް ތެޅިތެޅި"!
ހުޅުމާލޭ އެކްސިޑެންޓުގައި އަނިޔާވި ޒުވާނާ ނިޔާވެއްޖެ
ސޯލާ ޕެނަލްތަކުގެ ސްޓްރަކްޗާއަށް ޓެކްސީއެއް އަރައިފި
ހުޅުމާލެ އެކްސިޑެންޓުގައި އަނިޔާވި އެކަކު އައިސީޔޫގައި