ބީއެމްއެލް އަށް އޮޅިގެން ޕެންޝަން ފައިސާ ތިން ގުނަ އިތުރަށް ޖަމާކޮށްފި

މި މަހުގެ ޕެންޝަން ފައިސާގެ ގޮތުގައި، އުމުރުން 65 އަހަރުން މަތީގެ ބައެއް މީހުންގެ އެކައުންޓަށް ތިން ގުނަ އިތުރަށް ޖަމާކުރެވިގެން އެ ފައިސާ ޓްރާންސެކްޝަންތައް ރިވާސް ކުރުމުގެ މަސައްކަތް ބީއެމްއެލް އިން ފަށައިފި އެވެ.

ޕެންޝަންގެ ގޮތުގައި އެކި ފަރާތްތަކުގެ އެކައުންޓަށް ޖަމާކުރަން ޖެހޭ 5،000ރ. ގެ ބަދަލުގައި ބައެއް މީހުންގެ އެކައުންޓަށް މިއަދު 15،000 ރުފިޔާ ޖަމާވި އެވެ.

މިކަމާ ގުޅޭ ގޮތުން ޕެންޝަން އޮފީހުން ބުނީ، އެ އިދާރާގެ އެކައުންޓުން ކެނޑިފައި ވަނީ، ޕެންޝަނަށް ވީ އަދަދު ކަމަށެވެ. އެހެންވެ،

އެހެންވެ، އިތުރަށް ޖަމާވީ ބީއެމްއެލް އަށް އޮޅިގެން ކުރެވުނު ކަމަކުންނެވެ.

ޕެންޝަން ފަންޑުން ކޮންމެ މަހަކު ވެސް ބޭސިކް ޕެންޝަންގެ ގޮތުގައި 23،000 މީހުންނަށް ފައިސާ ޖަމާކުރެ އެވެ.

ޕެންޝަން ފައިސާ އިތުރަށް ބައެއް އެކައުންޓުތަކަށް ޖަމާކުރެވުނު އިރު ލިލީ ބީޗް ރިސޯޓުގެ ބައެއް މުވައްޒަފުންގެ މުސާރަ އަށް 77 ބިލިއަން ޑޮލަރު މުސާރަ އަށް ޖަމާވި މައްސަލަތަކެއް މިދިޔަ މަހު ދިމާވި އެވެ. ނަމަވެސް، އެ ފައިސާ ބީއެމްއެލް އިން ވަނީ އަނބުރާ އެ އެކައުންޓުތަކުން ހޯދައިފަ އެވެ.