11 ސެޕްޓެމްބަރ 2024
ޕްރޮސެކިއުޓާ ޖެނަރަލްގެ މަގާމަށް ކުރިމަތިލެއްވި ބޭފުޅުންގެ ތެރެއިން މަގާމަށް އައްޔަންކުރުމަށް ރައީސް ޑރ. މުހައްމަދު މުއިއްޒު، ރައީސް އޮފީހުގެ ލީގަލް ސެކްރެޓްރީ އައްބާސް ޝަރީފުގެ ނަން ރައްޔިތުންގެ މަޖިލީހަށް ފޮނުއްވައިފި އެވެ.
ޕްރޮސެކިއުޓާ ޖެނަރަލްގެ މަގާމަށް ކުރިމަތިލެއްވި ބޭފުޅުންގެ ތެރެއިން މަގާމަށް އައްޔަންކުރުމަށް ރައީސް ޑރ. މުހައްމަދު މުއިއްޒު، ރައީސް އޮފީހުގެ ލީގަލް ސެކްރެޓްރީ އައްބާސް ޝަރީފުގެ ނަން ރައްޔިތުންގެ މަޖިލީހަށް ފޮނުއްވައިފި އެވެ.
އެނގިފައިވާ ގޮތުގައި ހަ ބޭފުޅަކު މަގާމަށް ކުރިމަތިލެއްވި ނަމަވެސް އައްޔަންކުރުމަށް ފޮނުއްވީ، ހައި ކޯޓުގެ ކުރީގެ ފަނޑިޔާރު އައްބާސްގެ ނަން އެކަންޏެވެ.
ޕީޖީގެ މަގާމަށް ބޭފުޅަކު އައްޔަންކުރުމަށް ރައްޔިތުންގެ މަޖިލީހުން ދައުރުން ބޭރުގައި ބާއްވާ ޖަލްސާއެއް މިރޭ އޮންނާނެ އެވެ.
އައްބާސަކީ ޔުނިވާސިޓީ އޮފް ޓެސްމޭނިއާ އިން ގާނޫނީ ދާއިރާގެ މަތީ ތައުލީމު ހާސިލުކުރައްވާފައިވާ އަދި ބޮޑެތި ގިނަ މައްސަަލަތަކެއްގައި މަސައްކަތްކުރައްވާފައިވާ ތަޖުރިބާކާރު ވަކީލެކެވެ. އޭނާ ވަނީ ކުރީގެ ދެ ރައީސުން ކަމަށްވާ މައުމޫން އަބްދުއްގައްޔޫމާއި އަބްދުﷲ ޔާމީންގެ ވަކީލުކަން ވެސް ކުރައްވައިފަ އެވެ. އަދި 2011 ވަނަ އަހަރުން ފެށިގެން 2015 ވަނަ އަހަރާ ހަމައަށް ހައި ކޯޓުގެ ފަނޑިޔާރު ކަން ކުރެއްވި އެވެ.
ޕީޖީގެ މަގާމު ހުސްވީ އެ މަގާމުގައި ހުންނެވި ހުސެއިން ޝަމީމް މިދިޔަ މަހުގެ 22 ގައި އިސްތިއުފާ ދެއްވުމުންނެވެ. އޭނާ އިސްތިއުފާ ދެއްވީ އޭނާއާ ގުޅޭ ގޮތުން މަޖިލީހަށް ހުށަހެޅި މައްސަލަތަކާ ގުޅިގެން ޖުޑިޝަރީ ކޮމިޓީން އޭނާ ވަކިކުރަން ނިންމުމާ އެކު އެވެ.
އެކަމަކު އޭނާގެ އިސްތިއުފާގެ ސިޓީ ނުލިބޭ ކަމަށް ބުނެ މަޖިލީހުން ވަނީ ޖަލްސާއެއް ބާއްވައި، އޭނާ މަގާމުން ވަކިކޮށްފަ އެވެ. އެކަމަކު ޝަމީމް ވިދާޅުވި ގޮތުގައި މަޖިލީހުގެ ޖަލްސާގެ ކުރިން އޭނާ ވަނީ ސިޓީ ފޮނުއްވައިފަ އެވެ.
މިހާތަނަށް ރާއްޖޭގެ އެއްވެސް ޕީޖީއަކަށް ފަސް އަހަރުގެ ދައުރު ފުރިހަމަ ކުރެވިފައެއް ނުވެ އެވެ. ކުރީގެ ޕީޖީ އަހުމަދު މުއިއްޒާއި މުހުތާޒު މުހުސިން އަދި އައިޝަތު ބިޝާމް ވެސް ދައުރު ހަމަވުމުގެ ކުރިން އިސްތިއުފާ ދެއްވި އެވެ.
ޕީޖީއަށް އައްބާސް އައްޔަންކުރަން ކޮމެޓީން ރުހުންދީފި
އަޅުގަނޑަކީ ނުފޫޒަކަށް ލެނބޭނެ މީހެއް ނޫން: އައްބާސް
ޕީޖީގެ މަގާމަށް އައްބާސް އައްޔަންކުރަން ކޮމިޓީއަށް
ޕީޖީ އައްޔަން ކުރަން ބުދަ ދުވަހު ޖަލްސާއެއް ބާއްވަނީ
ޕީޖީގެ މަގާމަށް ކުރިމަތިލާން ހުޅުވާލައިފި
އާ ޕީޖީއަކު ނަގަން ދައުރުން ބޭރު ޖަލްސާއެއް
ކޮމިޓީ ސިއްރުކުރި މައްސަލާގައި ދެފަރާތުން ހޫނު ރައްދެއް
ޝަމީމް މަގާމުން ވަކިކުރަން މަޖިލީހުން ފާސްކޮށްފި
ޕީޖީގެ މަގާމުން ޝަމީމް އިސްތިއުފާ ދެއްވައިފި
ޕީޖީ ޝަމީމް ވަކި ކުރުމުގެ ޖަލްސާ މިރޭ ބާއްވަނީ