ދިގު ފެތުމުގެ ގައުމީ ޗެމްޕިއަންކަން ރިހާން ދިފާއުކޮށްފި، އަންހެން ޗެމްޕިއަންކަން އަޔާނާ އަށް

ގައުމީ ދިގު ފެތުމުގެ މުބާރާތުގެ ފަސް ކިލޯމީޓަރުގެ ޗެމްޕިއަންކަން މުހައްމަދު ރިހާން ޝިހާމް ދިފާއުކޮށްފި އެވެ.

މިިދިޔަ އަހަރުގެ ގައުމީ ދިގު ފެތުމުގެ ޗެމްޕިއަންކަން ވެސް ހޯދީ އޭނާ އެވެ.

މި އަހަރު ވެސް ކ. ކުޑަގިރީގައި ބޭއްވި މުބާރާތުގައި އަންހެން ބައިގައި ފެނުނީ އާ ޗެމްޕިއަނެކެވެ. އެ ކެޓަގަރީގެ ރޭސް މި ފަހަރު ކާމިޔާބު ކުރީ އަޔާނާ އަރީފެވެ.

އަޔާނާއާ އެންމެ ގާތުން ވާދަ ކުރީ އާއިޝަތު އެލީނާ ޝާހިދެވެ. ތިންވަނަ ހޯދީ ލައިބާ ހަސަން މަނިކެވެ.

ފިރިހެން ބައިގެ ޗެމްޕިއަންކަން ރިހާން ހޯދީ ޔާސީން މުހައްމަދު ޔޫސުފާއި މުބާލް އައްޒާމް އިބްރާހިމާ ވާދަކޮށެވެ. ޔާސީން ދިޔައީ ދެވަނަ އަށެވެ.

ދިގު ފެތުމުގެ މުބާރާތުގެ ތިންކިލޯމީޓަރު ހާއްސަކޮށްފައި ވަނީ ޖޫނިއާ ފެތުންނެރިންނަށެވެ. އެ ކެޓަގަރީގެ ފިރިހެން ބައިގެ ޗެމްޕިއަންކަން ހޯދީ ދާނިޔަލް އަމީން ފައިސަލެވެ. އަންހެން ބައިގެ ޗެމްޕިއަންކަން ހޯދީ ޒޯހާ އަޒްލީ ނަސީމެވެ.

ދާނިޔަލްއާ ވާދަކޮށް ދެވަނަ ހޯދީ އިބްރާހިމް ޖޫދު ހުސައިންއެވެ. ތިންވަނަ ހޯދީ ޒާކިން އަޝްރަފެވެ.

އަންހެން ބައިގެ ދެވަނަ ހޯދީ ޒަހާ ޒައިދުލް ހަލީލެވެ. ތިންވަނަ ހޯދީ މަރްޔަމް މީސަމް ނިޔާޒެވެ.