ސްރީލަންކަންގެ ކެޕްޓަނަކު އަންހެން ފަސްޓް އޮފިސަރު ކޮކްޕިޓުން ބޭރުގައި ތަޅުލައިފި

ސްރީ ލަންކާގެ ގައުމީ އެއާލައިންގެ ކެޕްޓަނެއް ސިޑްނީން ކޮލޮމްބޯއަށް ދަތުރުކުރި ފްލައިޓެއްގައި އޭނާގެ އަންހެން ކޯޕައިލެޓް ފާޚާނާއަށް ދިޔަ ވަގުތު ކޮކްޕިޓުން ބޭރުގައި ބަންދުކޮށްފައިވާތީ އެ ކެޕްޓަން ވަޒީފާއިން ވަގުތީގޮތުން ސަސްޕެންޑްކޮށްފި އޮފިޝަލުން ބުނެފި އެވެ.

ސްރީ ލަންކާގެ އޭވިއޭޝަން ރެގިއުލޭޓަރު ސިވިލް އޭވިއޭޝަން އޮތޯރިޓީ (ސީއޭއޭ) އިން ވަނީ މި މައްސަލަ ތަހުގީގުކުރަން ފަށައިފިއެވެ.

މިކަން ހިނގީ ސްޓޭންޑަޑް އޮޕަރޭޓިން ޕްރޮސީޖާތަކާ އެއްގޮތަށް ކޮކްޕިޓުގައި އިތުރު ކްރޫ މެންބަރަކު ނުބަހައްޓައި އަންހެން ކޯޕައިލެޓް ނުކުތުމާ ގުޅިގެން ކެޕްޓަން އެކަމާ ހިތްހަމަނުޖެހިގެން ކަމަށް އެއާލައިންގެ އޮފިޝަލަކު ވިދާޅުވި އެވެ.

އެއާބަސް އޭ330 ދަތުރުކުރަމުން ދިޔަ އިރު ފަސްޓް އޮފިސަރު އަނބުރާ ގޮނޑީގައި ބައިންދަން ކެބިން ކްރޫއިން ކެޕްޓަނަށް ބާރުއަޅަން ޖެހުނެވެ.

ދެ ޕައިލެޓުން ވަނީ ރައްކާތެރިކަމާ އެކު މި މަތިންދާބޯޓު ޖައްސައިފަ އެވެ.

ބައެއް މަތިންދާބޯޓުތަކުގެ އިންޖީނުތައް މަރާމާތުކުރަން ފައިސާ ނެތުމުން ޓެކްނިކަލް ކްރޫ މަދުވެ، ގަވާއިދުން، ފްލައިޓްތައް ޑިލޭ ނުވެ ދަތުރުތައް ކުރުމަކީ މިހާރު ސްރީ ލަންކަން އަށް އޮތް ބޮޑު ގޮންޖެހުމެކެވެ.

މީގެ ކުރީގެ ސަރުކާރުތަކުން ވެސް ވަނީ އެއާލައިން ވިއްކާލަން މަސައްކަތްކޮށްފަ އެވެ.

ގާތްގަނޑަކަށް 6,000 މުވައްޒަފުން ތިބި ސްރީލަންކަން އެއާލައިންސަކީ ބަޖެޓުން އެންމެ ގިނައިން ފައިސާ ހޭދަވާ، ބޮޑެތި ގެއްލުން ވަމުންދާ ކުންފުނިތަކުގެ ތެރެއިން އެންމެ ބޮޑު އަދި އެންމެ ޚަރަދު ބޮޑު ކުންފުންޏެވެ.

ނަމަވެސް، މީގެ ކުރިން ވެސް ސިޔާސީ ނުފޫޒު ފޯރުވުމާއި، އުސޫލުތަކާ ހިލާފަށް ހިންގުމާއި، އުނދަގޫ ޕާޓްނަޝިޕްތަކުގެ ތާރީހަށް ބަލާއިރު، މި އެއާލައިނަށް ފައިސާ އިންވެސްޓްކުރަން ބޭނުންވާ ކުންފުންޏެއް ހޯދުމަކީ ވަރަށް ބޮޑު ގޮންޖެހުމަކަށް ވާނެކަމަށް ދިރާސާކުރާ ފަރާތްތަކުން ބުނެ އެވެ. -- އޭއެފްޕީ