06 މާޗް 2017
އިންޑިއާ އާއި ދުބާއީ އިން ރާއްޖެ އައި ދެ ދިވެއްސަކު އެތެރެކުރަން އުޅުނު 1.5 ކިލޯގެ މަސްތުވާތަކެތި ކަސްޓަމްސް އިން އަތުލައިގެންފި އެވެ.
އިންޑިއާ އާއި ދުބާއީ އިން ރާއްޖެ އައި ދެ ދިވެއްސަކު އެތެރެކުރަން އުޅުނު 1.5 ކިލޯގެ މަސްތުވާތަކެތި ކަސްޓަމްސް އިން އަތުލައިގެންފި އެވެ.
ކަސްޓަމްސް އިން މިރޭ ނެރުނު ނޫސްބަޔާނެއްގައި ބުނީ އެ މަސްތުވާތަކެތި އެތެރެކުރަން އުޅުނީ މިދިޔަ މަހުގެ 25 ވަނަ ދުވަހު އިންޑިއާ އިން ރާއްޖެ އައި އުމުރުން 29 އަހަރުގެ ފިރިހެނަކާއި މި މަހުގެ ތިންވަނަ ދުވަހު ދުބާއީ އިން އައި އުމުރުން 32 އަހަރުގެ ފިރިހެނަކު ކަމަށެވެ.
"އިންޑިޔާއިން ރާއްޖެއައި 29 އަހަރުގެ ދިވެހި ފިރިހެނެއްގެ އަމަލުތައް ހުރިގޮތުން އެއާޕޯޓްގެ ޕެސެންޖަރު ކްލިއަރެންސްގެ އޮފިސަރުންނަށް ޝައްކުވެގެން އިތުރަށް ބަލާ ފާސްކުރުމުގެ ތެރޭގައި މީނާގެ ހަށިގަނޑުން ވަނީ މަސްތުވާތަކެތި ފެނިފަ އެވެ." ނޫސްބަޔާނުގައި ވެ އެވެ.
އެ މީހާގެ އަތުން ފެނުނީ 506 ގްރާމްގެ ހަޝިޝް އޮއިލް ޕެކެޓަކާއި ހެރޮއިން އަޅާފައިހުރި 6 ބްލެޓް (162 ގްރާމް) ކަމަށް ކަސްޓަމްސް އިން ބުންޏެވެ. މި މީހާގެ އަތުން އަތުލައިގަތް މަސްތުވާތަކެތީގެ ޖުމްލަ ބަރުދަނަކީ 668 ގްރާމެވެ.
ކަސްޓަމްއިން ބުނިގޮތުގައި ދުބާއީ އިން އައި މީހާގެ އަތުން މަސްތުވާތަކެތި ފެނުނީ އޭނާގެ ލަގެޖުންނެވެ. އެ ތަކެތި ތަހުލީލުކުރިއިރު، ދހެރޮއިން އަށް ޕޮޒިޓިވް ވެފައިވާ ކަމަށް ކަަސްޓަމްސް އިން ބުންޏެވެ. އޭގެ ބަރުދަނުގައި ޕެކިން އާ ޖުމްލަ 783 ގްރާމް ހުއްޓެވެ.
ކަސްޓަމްސް އިން ބުނީ އެ ދެ މީހުންނާއި އަތުލައިގަނެވުނު މަސްތުވާތަކެތި ފުލުހުންނާ ހަވާލުކޮށް، އިތުރަށް ތަހުގީގު ކުރަމުން އަންނަ ކަމަށެވެ.
ޓްރިވެންޑްރަމުން އެތެރެކުރި ޑްރަގްސް އަތުލައިގެންފި
ހަ ކިލޯގެ މަސްތުވާތަކެއްޗާ އެކު ދެ މީހަކު ހައްޔަރު
ރާއްޖެ އައި ބޭރު މީހެއްގެ ލަގެޖުން 5 ކިލޯގެ ޑްރަގްސް
ޕޯސްޓުން ގެނައި ކިލޯއެއްގެ ޑްރަގާއެކު މީހަކު ހައްޔަރަށް
ރާއްޖެ އެތެރެކުރި 8 ކިލޯގެ ޑްރަގްސް އަތުލައިގެންފި
ފަސް މިލިއަންގެ ޑްރަގް އަތުލައިގަނެ، ބަޔަކު ހައްޔަރު
ޑްރަގު އެތެރެކޮށްފައި ބުނީ ފޮށީގައި ހުރިކަން ނޭނގެއޭ
10 ކިލޯގެ ޑްރަގް ގެނައި މީހާގެ ބަންދަށް އެއް ދުވަސް
ޓެގްގައި ނަން އޮތަސް ޑްރަގް ފެނުނު ލަގެޖާ ހަވާލެއްނުވި
ޑްރަގް އެތެރެކުރި އިންޑިއާ މީހާގެ ބަންދަށް ތިން ދުވަސް