ގުރައިދޫގައި ހަތަރު މަހުގެ ކުއްޖެއްގެ މަރުގައި ޝައްކު އުފެދޭތީ ޕޯސްޓްމޯޓަމް ހަދަނީ

ކ. ގުރައިދޫގައި ތުއްތު ކުއްޖެއްގެ މަރާ ގުޅިގެން ޝައްކު އުފެދޭ ކަންތައްތަކެއް ހުރުމުން ޕޯސްޓްމޯޓަމް ހަދަން ފުލުހުން ނިންމައިފި އެވެ.

ގުރައިދޫގައި ރޭ ދަންވަރު ނިޔާވީ ހަތަރު މަހުގެ ކުއްޖެކެވެ. އެ ކުއްޖާ ނިޔާވެފައި އޮތް އިރު ނޭފަތުން ލޭ އައިސްފައި ހުރި ކަމަށް އެނގިފައިވެ އެވެ.

ޝައްކު އުފެދޭ ކަންތައްތަކެއް ހުރުމުން މައްސަލަ ރިޕޯޓްކުރުމުން މިހާރު ވަނީ ހަށިގަނޑު މާލެ ގެނެސްފަ އެވެ. އަދި މިހާރު ހަށިގަނޑު އޮތީ ގަލޮޅު މޯޗަރީގަ އެވެ.

ފުލުހުން ބުނީ ކުއްޖާގެ ހަށިގަނޑުގެ ޕޯސްޓްމޯޓަމް ހަދަން ރާއްޖޭން ބޭރަށް ފޮނުވުމަށް ހަމަޖެހިފައިވާ ކަމަށެވެ.

މަރާ ގުޅޭ ގޮތުން އަދި އިތުރު މައުލޫމާތެއް ނުލިބެ އެވެ.