ދިރާގު ޕްރިޕެއިޑް ކަސްޓަމަރުންނަށް ކޮންމެ ހަފްތާއަކު 10،000ރ. ދޭ ޕްރޮމޯޝަނެއް

ދިރާގު ޕްރީޕެއިޑް ކަސްޓަމަރުން ރީލޯޑުކޮށްގެން 10،000ރ. އާއި 10،000ރ. ގެ މޯލްޑިވިއަންގެ ޑޮމެސްޓިކް ޓްރެވެލް ވައުޗަރެއް ލިބޭ ޕްރޮމޯޝަނެއް ފަށައިފި އެވެ.

އެ ޕްރޮމޯޝަނަކީ ކޮންމެ ހަފްތާއަކު ޖުމްލަ 300ރ. އަށް ވުރެ މަތީ އަދަދެއް ރީލޯޑުކޮށްގެން ނުވަތަ ޑޭޓާ އެޑް-އޮން އެކްޓިވޭޓްކުރާ ކަސްޓަމަރުންނަށް ބައިވެރިވެވޭ ޕްރޮމޯޝަނެކެވެ. އެ ޕްރޮމޯޝަނުގައި ކޮންމެ ހަފްތާއަކު ވެސް ގުރުއަތުން ނަސީބުވެރިއަކު ހޮވާނެ އެވެ.

އެ ޕްރޮމޯޝަނަށް ހުށަހަޅާފައިވާ އިނާމުތަކުގެ އިތުރުން 20ރ. އިން މަތިން ކުރާ ކޮންމެ ރީލޯޑަކަށް 1ޓީބީ އާ ހަމައަށް ހިލޭ ޑޭޓާ ލިބޭނެ އެވެ.

ދިރާގުން ބުނީ އެ ޕްރޮމޯޝަނުގައި ދިރާގު އެޕް އަދި ދިރާގުޕޭގެ އިތުރުން މައިއެކައުންޓް ނުވަތަ ދިރާގުގެ ޕާޓްނާ ފިހާރަތައް މެދުވެރިކޮށް ރީލޯޑްކޮށްގެން ވެސް ބައިވެރިވެވޭނެ އެވެ. އެ ޕްރޮމޯޝަން ކުރިއަށް ދާނީ އަންނަ މަހުގެ ހަތް ވަނަ ދުވަހުގެ ނިޔަލަށެވެ.

އެކި ކަސްޓަމަރުންގެ ބޭނުންތަކަށް ހާއްސަކޮށްގެން، ތަފާތު ޑޭޓާ އެލަވަންސްތަކާއި ވެލިޑިޓީ އިހްތިޔާރު ކުރެވޭ ގޮތަށް އެކި ޕްރިޕެއިޑް ޕްލޭންތައް ދިރާގުން ފޯރުކޮށްދެ އެވެ.