10 ޑިސެމްބަރ 2017
މަސްޖިދުލް އަގްސާ ހުންނަ ގުދުސް އަކީ އިޒްރޭލްގެ ވެރިރަށް ކަމަށް އެމެރިކާއިން ބަލައިގަތުމާއެކު، ހަމަނުޖެހުން ބޮޑުވެފައިވާތީ، ދިވެހިންގެ އުމްރާ ދަތުރުތަކުގައި މަސްޖިދުލް އަގްސާ އަށް ޒިޔާރަތް ނުކުރުމަށް ރާއްޖޭގެ އިސްލާމިކް މިނިސްޓްރީން މިއަދު އިލްތިމާސްކޮށްފި އެވެ.
މަސްޖިދުލް އަގްސާ ހުންނަ ގުދުސް އަކީ އިޒްރޭލްގެ ވެރިރަށް ކަމަށް އެމެރިކާއިން ބަލައިގަތުމާއެކު، ހަމަނުޖެހުން ބޮޑުވެފައިވާތީ، ދިވެހިންގެ އުމްރާ ދަތުރުތަކުގައި މަސްޖިދުލް އަގްސާ އަށް ޒިޔާރަތް ނުކުރުމަށް ރާއްޖޭގެ އިސްލާމިކް މިނިސްޓްރީން މިއަދު އިލްތިމާސްކޮށްފި އެވެ.
މުސްލިމުންގެ ފުރަތަމަ ގިބްލަ، މަސްޖިދުލް އަގްސާ ހުންނަ ގުދުސް އަކީ އިޒްރޭލްގެ ވެރިރަށް ކަމަށް ބަލައިގަތް ކަން އެމެރިކާއިން މިދިޔަ ހަފުތާގައި އިއުލާންކުރީ، މުޅި ދުނިޔެއިން އެކަމާ ދެކޮޅު ހަދަމުން ދަނިކޮށެވެ. އެމެރިކާގެ އެ ނިންމުމާ ގުޅިގެން ގުދުސް އާއި ހުޅަނގު އައްސޭރީގައި ފަލަސްތީނު މީހުންނާއި އިޒްރޭލު ސިފައިންނާ ދެމެދު ދަނީ ހަމަނުޖެހުންތައް ހިންގަމުންނެވެ.
އިސްލާމިކް މިނިސްޓްރީން ނެރުނު އިއުލާނެއްގައި ވަނީ ހަމަނުޖެހުންތަކާ ގުޅިގެން، އަގްސާ މިސްކިތަށް ޒިޔާރަތް ކުރުމަކީ މިވަގުތު ރައްކާތެރި ކަމެއް ނޫން ކަމަށެވެ. އެހެންވެ، ކަމާބެހޭ ފަރާތްތަކުން ވަކި ގޮތަކަށް އަންގަންދެން، އުމްރާ ދަތުރުތަކުގައި އަގްސާ މިސްކިތަށް ޒިޔާރަތް ނުކުރަން އިލްތިމާސް ކުރާ ކަމަށް އެ އިއުލާނުގައިވެ އެވެ.
އުމްރާ ދަތުރުތަކުގައި ތިން ހަރަމަށް ދަތުރު ކުރުމުގެ ގޮތުން، ރާއްޖެއިން އުމްރާއަށް މީހުން ގެންދާ ބައެއް ގްރޫޕްތަކުން އަގްސާ މިސްކިތަށް ޒިޔާރަތް ކުރެ އެވެ.
އަގްސާއަށް ނުދާން ހައްޖު ކޯޕަރޭޝަނުން ނިންމައިފި
އުމްރާގެ ހުއްދަ ދީފައިވާ ކުންފުނިތަކުގެ ލިސްޓު ނެރެފި
މަޝްއަރު ޓުއާސްގެ މައްސަލަތައް ފުލުހުންނަށް ހުށަހަޅައިފި
އުމްރާއަށް ގެންދިއުމުގެ ހުއްދައަށް އެދުމުގެ ފުރުސަތު
މަޝްއަރު ޓުއާސްގެ ހަވާލުގައި ދިޔަ އުމްރާވެރިން ގެނެސްފި
މަޝްއަރު ޓުއާސްއަށް ފައިސާ ނުދޭން މިނިސްޓްރީން އެދެފި
އުމްރާ އަށް ދިޔަ ބަޔަކަށް އަޅާނުލި މައްސަލައެއް!
މަޝްއަރު ޓުއާސްގެ މައްސަލަ ފުލުހަށް ރިޕޯޓްކުރަނީ
މަޝްއަރުގެ ހަވާލުގައި ދިޔަ މީހުން މައްކާގައި ތާށިވެއްޖެ
މަޝްއަރު ގްރޫޕްގެ ޗެކް ބައުންސްވުމުން ޓިކެޓް ކެންސަލް