17 އެޕްރީލް 2024
އުމްރާ އަށް މީހުން ގެންދިއުމުގެ ހުއްދަ ނެތް، މަޝްއަރު ޓުއާސްއާ އެކު އުމްރާއަށް ދިޔަ ބަޔަކަށް ރާއްޖެ ނާދެވިފައި ތިބި އިރު އެ ކުންފުނިން ހުއްދަ ހޯދަން ހުށަހަޅާފައިވާ ކަމަށް ދައްކައިގެން މިހާރު ވެސް މީހުން އަތުން ފައިސާ ނަގަމުން ދާތީ އެ ކުންފުންޏަށް ފައިސާ ނުދެއްކުމަށް އިސްލާމިކް މިނިސްޓްރީން އިލްތިމާސްކޮށްފި އެވެ.
އުމްރާ އަށް މީހުން ގެންދިއުމުގެ ހުއްދަ ނެތް، މަޝްއަރު ޓުއާސްއާ އެކު އުމްރާއަށް ދިޔަ ބަޔަކަށް ރާއްޖެ ނާދެވިފައި ތިބި އިރު އެ ކުންފުނިން ހުއްދަ ހޯދަން ހުށަހަޅާފައިވާ ކަމަށް ދައްކައިގެން މިހާރު ވެސް މީހުން އަތުން ފައިސާ ނަގަމުން ދާތީ އެ ކުންފުންޏަށް ފައިސާ ނުދެއްކުމަށް އިސްލާމިކް މިނިސްޓްރީން އިލްތިމާސްކޮށްފި އެވެ.
މިނިސްޓްރީން މިރޭ ނެރުނު ބަޔާނެއްގައި މި އިލްތިމާސްކުރީ މަޝްއަރު ޓުއާސްގެ ހަވާލުގައި އުމްރާއަށް ދިޔަ ބަޔަކު އެނބުރި އަންނަން ޓިކެޓް ފައިސާ ހަމަނުޖެހި ސައުދީގައި ތާށިވެ މައްސަލަ ބޮޑުވެފައި ވަނިކޮށެވެ. މަޝްއަރަކީ މީގެ ކުރިން ވެސް ހަމަ މި މައްސަލަ ދިމާވި ބައެކެވެ.
އިސްލާމިކް މިނިސްޓްރީން ބުުނީ އަލްމަޝްއަރު ޓުއާސް އިން، އުމްރާއަށް މީހުން ގެންދިއުމުގެ ހުއްދަ ނެތި އުމްރާއަށް ގެންދިއުމާއި އެ ކުންފުނިން ނަގަންޖެހޭ، އުމްރާއަށް މީހުންގެ ގެންދިއުމުގެ ހުއްދަ ނެގުމަށް މިނިސްޓްރީއަށް ހުށަހަޅާފައިވާ ކަމަށް ދައްކައިގެން އޮޅުވާލައިގެން މީހުން އަތުން ފައިސާ ނަގާ މައްސަލަ މިނިސްޓްރީއަށް ލިބިފައިވާ ކަމަށެވެ. އަދި އެކަން މިހާރު ފުލުހުންނަށް ހުށަހަޅާފައިވާ ކަމަށް ވެސް މިނިސްޓްރީން ބުންޏެވެ.
މިނިސްޓްރީން ބުނީ އަލްމަޝްއަރު ޓުއާސްގެ މެނޭޖިން ޑިރެކްޓަރުގެ ގޮތުގައި ހުރި އަލީ ފާރިޝް އަކީ އުމްރާއަށް މީހުން ގެންދިއުމުގެ ހުއްދަ ބާތިލުކޮށްފައިވާ "އަލްމަޝްއަރު ހައްޖު އެންޑް އުމްރާ" ކުންފުނީގެ ވެސް މެނޭޖިން ޑިރެކްޓަރު ކަމަށެވެ. އެހެންވެ އޭނާއަށް ފައިސާ ނުދެއްކުމަށް މިނިސްޓްރީން އިލްތިމާސްކުރި އެވެ.
"އެހެންކަމުން، މި ކުންފުންޏަށް ނުވަތަ މީނާއަށް އެއްވެސް ފަރާތަކުން އުމްރާއަށް ދިއުމަށްޓަކައި ފައިސާ ނުދެއްކުމަށާއި އުމްރާއާ ގުޅޭ އެއްވެސް މުއާމަލާތެއް ނުކުރުމަށް ތަކުރާރުކޮށް އިލްތިމާސްކުރަމެވެ،" މިނިސްޓްރީގެ ބަޔާނުގައިވެ އެވެ.
ރާއްޖެއިން އުމްރާއަށް މީހުން ގެންދިއުމުގެ އުސޫލުގައިވާ ގޮތުން ހުއްދަ ނެތި އުމްރާއަށް މީހުން ގެންދިއުމާއި އެކަމަށް ފައިސާ ނެގުމަކީ މަނާކަމެކެވެ.
މިނިސްޓްރީން ވަނީ ރާއްޖެއިން އުމްރާއަށް މީހުން ގެންދިއުމާ ބެހޭ އުސޫލުގެ ދަށުން ނަގަންޖެހޭ ހުއްދަ ނެތި ވިޔަފާރި އުސޫލުން އުމްރާއަށް މީހުން ނުގެންދިއުމަށާއި އެ ހުއްދަ ނެތް ކުންފުންޏަކާ އެކު ފައިސާގެ މުއާމަލާތް ނުހިންގުމަށް ވެސް އެދިފަ އެވެ.
އެ އުސޫލުން ބޭރުން އެއްވެސް ފަރާތަކުން އަމަލުކުރިޔަސް އެކަމުގެ ޒިންމާވާނީ އެ ފަރާތަކުން ކަމަށް ވެސް މިނިސްޓްރީން ބުންޏެވެ.
އުމްރާއަށް މީހުން ގެންދިއުމުގެ ހުއްދަ ދޫކޮށްފައިވާ ކުންފުނިތަކުގެ ލިސްޓު މިނިސްޓްރީގެ ވެބްސަައިޓުން ފެންނާނެ އެވެ. އެކަމަށް އާންމުން ސަލާމުވުމަށް މިނިސްޓްރީން އިލްތިމާސްކުރެ އެވެ.
އުމްރާގެ ހުއްދަ ދީފައިވާ ކުންފުނިތަކުގެ ލިސްޓު ނެރެފި
މަޝްއަރު ޓުއާސްގެ މައްސަލަތައް ފުލުހުންނަށް ހުށަހަޅައިފި
އުމްރާއަށް ގެންދިއުމުގެ ހުއްދައަށް އެދުމުގެ ފުރުސަތު
މަޝްއަރު ޓުއާސްގެ ހަވާލުގައި ދިޔަ އުމްރާވެރިން ގެނެސްފި
އުމްރާ އަށް ދިޔަ ބަޔަކަށް އަޅާނުލި މައްސަލައެއް!
މަޝްއަރު ޓުއާސްގެ މައްސަލަ ފުލުހަށް ރިޕޯޓްކުރަނީ
މަޝްއަރުގެ ހަވާލުގައި ދިޔަ މީހުން މައްކާގައި ތާށިވެއްޖެ
މަޝްއަރު ގްރޫޕްގެ ޗެކް ބައުންސްވުމުން ޓިކެޓް ކެންސަލް
މަޝްއަރު ގްރޫޕްގެ ހުއްދަ ވަނީ ބާތިލްކޮށްފައި:މިނިސްޓްރީ
އަނެއްކާވެސް މަޝްއަރު ގްރޫޕުގެ މައްސަލަ ފެންމަތިވެއްޖެ