އުރީދުއަށް ފަހު ކުއާޓަރުގައި ފައިދާގެ ގޮތުގައި 140.8 މިލިއަން ރުފިޔާ ލިބިއްޖެ

އުރީދޫ މޯލްޑިވްސްއަށް މިދިޔަ އަހަރުގެ ފަހު ކުއާޓަރުގައި ސާފު ފައިދާގެ ގޮތުގައި 140.8 މިލިއަން ރުފިޔާ ލިބިއްޖެ އެވެ.

އެ ކުންފުނިން މިއަދު ނެރުނު މާލީ ހިސާބުތައް ދައްކާ ގޮތުން 472.4 މިލިއަން ރުފިޔާ އާމްދަނީގެ ގޮތުގައި ލިބިފައި ވެ އެވެ. އެއީ އޭގެ ކުރީގެ ކުއާޓަރަށް ވުރެ ފަސް ޕަސެންޓް އިތުރު އަދަދެކެވެ.

އުރީދުއަށް މިދިޔަ ކުއާޓަރުގައި ޚަރަދުތައް ކަނޑައި، ހިންގުމުގެ ފައިދާގެ ގޮތުގައި 176.5 މިލިއަން ރުފިޔާ ޖުމްލަ ފައިދާގެ ގޮތުގައި ލިބިފައިވެ އެވެ. އަދި ޓެކްސްއަށް ކެނޑުމުގެ ކުރިން ލިބިފައި ވަނީ 173.4 މިލިއަން ރުފިޔާ އެވެ. އުރީދޫން ޓެކްސްގެ ގޮތުގައި 32.5 މިލިއަން ރުފިޔާ ދައްކާފައިވެ އެވެ.

އެ ކުންފުނީގައި ވަތަނިއްޔާ އިންޓަނޭޝަނަލްގެ 90.5 ޕަސެންޓް ހިއްސާ އޮންނައިރު، މިދިޔަ އަހަރު ދިވެހިންނަށް 9.5 ޕަސެންޓް ހިއްސާ ވިއްކާފައިވެ އެވެ.