ރުހުން ނެތި، ފަނޑިޔާރުން ބަދަލެއް ނުކުރެވޭނެ: ސުއޫދު

ފަނޑިޔާރެއްގެ ރުހުން ނެތި އެހެން ކޯޓަކަށް ބަދަލު ކުރުމަކީ ޣައިރު ދުސްތޫރީ ކަމެއް: ސުއޫދު

07 ފެބުރުއަރީ 2019

ފަނޑިޔާރުންގެ ރުހުން ނެތި އެއް ކޯޓުން އަނެއް ކޯޓަށް ބަދަލު ކުރުމަކީ ޣައިރު ދުސްތޫރީ އަމަލެއް ކަމަށް ކުރީގެ ބަންޑާރަ ނައިބު ހުސްނުއްސުއޫދު ވިދާޅުވެއްޖެ އެވެ.

މުއިއްޒު އިބްރާހިމް

ސުއޫދު އެގޮތަށް ވިދާޅުވީ ތިން ފަނޑިޔާރަކު އެހެން ކޯޓުތަކަށް ބަދަލުކުރަން ޖުޑިޝަލް ސާވިސް ކޮމިޝަން (ޖޭއެސްސީ) އިން އިއްޔެ ނިންމުމުންނެވެ.

އެކަމާ ގުޅިގެން ސުއޫދު ކުރެއްވި ޓްވީޓެއްގައި ވަނީ ތައުދީބީ ފިޔަވަޅެއް އެޅުމުގެ ގޮތުން ނޫން ގޮތަކަށް، ފަނޑިޔާރެއްގެ ރުހުން ނެތި އެހެން ކޯޓަށް ބަދަލު ކުރުމަކީ ފަނޑިޔާރުންގެ މުސްތަގިއްލުކަމާ ޚިލާފް އަދި ޣައިރު ދުސްތޫރީ އަމަލެއް ކަމަށެވެ.

Thaudheebee fiyavalhegge gothugai noongothakah, eynaage ruhun nethi, fandiyaaraku eh court in aneh court ah badhalukurumakee fandiyaarunge musthagillukamaa khilaafu ghairu dhusthooree amaleh. https://t.co/6sao7v0Xlo
— Husnu Al Suood (@hsuood) February 6, 2019

ސުއޫދުގެ ޓްވީޓް

ވަކީލް މައުމޫން ހަމީދު ކުރެއްވި ޓްވީޓެއްގައި ވިދާޅުވީ ސުޕްރީމް ކޯޓުގެ ހުށަހެޅުމަކަށް ބިނާކޮށް ޖޭއެސްސީން ފަނޑިޔާރުން އެހެން ކޯޓުތަކަށް ބަދަލު ކުރުމުން ހާމަވީ ޖޭއެސްސީއާ ގާނޫނު އަސާސީން ހަވާލުކޮށްފައި އޮތް މަސްއޫލިއްޔަތު އަދާކުރުމުގައި އެ ކޮމިޝަން ފެއިލްވެފައި އޮތް މިންވަރު ކަމަށެވެ.

The Supreme Court proposing the transfer of judges from one court to another is not only judicial overreach gravely undermining @judiciarymv judicial independence, it also emphasises the failure of @MaldivesJSC in its role as the constitutionally-mandated judicial oversight body. https://t.co/NbfKxZ08n1
— Maumoon Hameed (@maanhameed) February 6, 2019

މައުމޫން ހަމީދުގެ ކުރެއްވި ޓްވީޓް

ޖޭއެސްސީން އިއްޔެ ނިންމީ ކްރިމިނަލް ކޯޓުގެ ގާޒީ އާދަމް އާރިފް ޑްރަގް ކޯޓަށް، ޑްރަގް ކޯޓުގެ ގާޒީ އަލީ ރަޝީދާއި ސިވިލް ކޯޓުގެ ގާޒީ ހުސައިން ފާއިޒް ރަޝާދު ކްރިމިނަލް ކޯޓަށް ބަދަލުކުރާށެވެ. އޭގެ ކުރިން ވެސް އެކި ފަނޑިޔާރުން އެކި ކޯޓުތަކަށް ބަދަލުކޮށްފައިވެ އެވެ.

Comments