ލިންކްބިލްޑް: ލިންކްސާވްގެ އާ ހިދުމަތެއް

ރާއްޖޭގައި ފުޅާ ދާއިރާއެއްގައި އައިޓީގެ ވިޔަފާރިކުރާ ލިންކްސާވުން، ކޮންޓްރެކްޓަރުންނާއި ރިއަލްއެސްޓޭޓް ވިޔަފާރިވެރިންނާއި ކޮންސްޓްރަކްޝަން އިންޑަސްޓްރީގެ ވިޔަފާރިވެރިންނަށް ހާއްސަކޮށްގެން "ލިންކްބިލްޑު" ގެ ނަމުގައި އާ ހިދުމަތެއް ތައާރަފްކޮށްފި އެވެ.

މި ހިދުމަތުގައި ޓެކްނޮލޮޖީގެ ދާއިރާއިން ލިންކްސާވުން ފޯރުކޮށްދޭ ހިދުމަތްތައް ފަސޭހަކަމާ އެކު ކަސްޓަމަރުންނަށް ހޯދޭނެ އެވެ. އެގޮތުން އަލިފާނުގެ ހާދިސާތަކުން ރައްކާވުމަށްޓަކައި ގޭގޭގައި ސިސްޓަމުތައް ގާއިމުކުރުން ފަދަ ކަންކަން ވެސް ކުރެވޭނެ އެވެ.

މި ހިދުމަތުގައި ލިންކްސާވާ އެކު ކަސްޓަމަރުން ވާ އެއްބަސްވުމުގެ ދަށުން، ކޮންސްޓްރަކްޝަން މަސައްކަތްކުރާ ފަރާތްތަކަށް ހިލޭ ސާވޭ ކޮންދިނުމާއި ހާއްސަ ކޮންސަލްޓޭޝަންތައް ދޭނެ އެވެ.

ލިންކުސާވުން، ސެކިއުރިޓީ ސިސްޓަމް އިންސްޓޯލްކުރުމާއި އަލިފާނުގެ ހާދިސާތަކުން ސަލާމަތްވުމަށް ބޭނުންވާ ހައްލުތައް ފޯރުކޮށްދެ އެވެ.

ލިންކްސާވުން ބުނީ މިއީ އިމާރާތްކުރުމުގައި ރާއްޖޭގައި އެންމެ ފުރިހަމައަށް ޓެކްނޮލޮޖީ ބޭނުންކޮށްގެން ދޭ ހިދުމަތްތައް ލިބިގަތުމަށް އިތުރަށް ފަސޭހަވާނެ ކަމަށެވެ.

ލިންކުސާވުން ފޯރުކޮށްދޭ ލިންކްބިލްޑުގައި ބައިވެރިވާ ފަރާތްތަކަށް އާފްޓާސޭލް ސަޕޯޓާއި ތަޖުރިބާކާރު ޓެކްނީޝަނުންގެ އެހީތެރިކަމާއި ބައެއް ހިދުމަތްތައް އިންސްޓޯލް ކުރުމުގައި އެހީތެރިވާނެ އެވެ. އަދި މި ހިދުމަތްތައް ހޯދުމުގައި ހިދުމަތްތަކަށް ވަރަށް ބޮޑު ޑިސްކައުންޓެއް ލިބޭނެ އެވެ.

ލިންކްސާވުން އައިޓީ ދާއިރާގައި ހިދުމަތް ދޭތާ 17 އަހަރަށް ވުރެ ގިނަ ދުވަސް ވެއްޖެ އެވެ. އެ ކުންފުނިން މިހާރު ވެސް އަންނަނީ އައިޓީ ދާއިރާގެ ހާޑްވެއާ އާއި ސޮފްޓްވެއާ ސަޕްލައިކުރަމުންނެވެ.