ހަމަލާ ދިން މިސްކިތަށް ގުޓަރޭޒް ޒިޔާރަތް ކުރައްވައިފި

ހަމަލާ ދިން އަލް ނޫރް މިސްކިތަށް އދ.ގެ ސެކްރެޓަރީ ޖެނެރަލް ޒިޔާރަތް ކުރައްވައިފި

14 މެއި 2019

ކްރައިސްޗާޗް (މެއި 14) - މިދިޔަ މާޗް މަހު ބަޑިން ހަމަލާދީ 50 މީހުން މަރާލި ނިއު ޒީލެންޑުގެ ކްރައިސްޗާޗުގެ އަލް ނޫރް މިސްކިތާއި ލިންވުޑް މިސްކިތަށް އދ.ގެ ސެކްރެޓަރީ ޖެނެރަލް އެންޓޯނިއޯ ގުޓަރޭޒް ޒިޔާރަތް މިއަދު ކުރައްވައިފި އެވެ.

ހަސަން އާމިރު

މިސްކިތަށް ކުރެއްވި ޒިޔާރަތުގައި ގުޓަރޭޒް ވަނީ ސޯޝަލް މީޑިއާގައި އަލިފާންގަނޑެއް ގޮތަށް ފެތުރޭ ނަފުރަތުގެ ވާހަކަތަކާ ދުރުވުމަށް ގޮވާލައްވައިފަ އެވެ. ގުޓަރޭޒް ވިދާޅުވީ ނަފްރަތު އުފައްދާ ޕްލެޓްފޯމެއްގެ ގޮތުގައި ސޯޝަލް މީޑިއާ ބޭނުން ކުރާ ކަމަށާއި އެކަމާ ދެކޮޅަށް އެންމެން އެކަތިގަނޑަކަށްވެ ތެދުވަން ޖެހޭ ކަމަށެވެ.

In Christchurch for this year’s Ramadan solidarity visit, I expressed my support & admiration for the Muslim community after March’s horrific mosque attacks.

Hate speech is spreading like wildfire on social media. We must extinguish it. https://t.co/bMv0Mw0jRz pic.twitter.com/ccPwPMvVP5
— António Guterres (@antonioguterres) May 14, 2019

އދ.ގެ ސެކްރެޓަރީ ޖެނެރަލްގެ ޓްވީޓް.

ހަމަލާ އިން ސަލާމަތްވި މީހުންނާއި މުސްލިމުން ލީޑަރުންނާ އެކު ގުޓަރޭޒް ވަނީ އަލް ނޫރް މިސްކިތުގައި ބައިގަޑިއިރު ހޭދަ ކުރައްވައިފަ އެވެ. މިސްކިތުގެ ބޭރުގައި ރިޕޯޓަރުންނާ ވާހަކަ ދައްކަވަމުން ގުޓަރޭޒް ވިދާޅުވީ އަމިއްލަފުޅަށް މިސްކިތަށް ޒިޔާރަތް ކުރެއްވީ ހިތުގައި އޮތް ލޯތްބާއި ތާއީދު ހާމަކޮށްދިނުމުގެ ގޮތުން ކަމަށެވެ.

ލިންވުޑް މިސްކިތަށް ވަޑައިގެން ވެސް ހަމަލާ އިން ސަލާމަތްވި މީހުންނާ ވަނީ ބައްދަލު ކުރައްވައިފަ އެވެ. އޭގެ ތެރޭގައި ބަޑިޖެހި މީހާ ހިފަހައްޓަން މަސައްކަތް ކުރި އަބްޒުލް އަޒީޒް ހިމެނެ އެވެ.

Comments